KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Situata në PD kaotike, Basha pritet të krijojë parti të re “pro-amerikane”

29 August 2022, 12:39Fokus SHKRUAR NGA REDAKSIA VOX
Situata në PD kaotike, Basha pritet të krijojë parti të re
Kryetari i PD, Lulzim Basha në konferencë me gazetarët.

Situata në të cilën ndodhet Partia Demokratike gjithnjë e më tepër po futet në kaos.

Marrja e partisë nga Sali Berisha u duk se do të bashkonte demokratët, por tashmë ata janë më shumë të ndarë.

Vjeshta pritet të ketë zhvillime të reja në kampin blu.

Gjykata e Apelit pritet të marrë vendimin për vulën e partisë dhe gjasat janë që të rrëzohet Shkalla e Parë dhe vula t’i kalojë Alibeajt.

Kjo do të krijonte një situatë të ndërlikuar për Berishën, që do të detyrohej mos të regjistrohej në zgjedhjet e radhës me emrin Partia Demokratike, por të futej nën siglën e Partisë së Lirisë së Ilir Metës.

Por zhvillimi më i ri në kampin e opozitës pritet nga Lulzim Basha.

Heshtja e tij e gjatë duket se do të marrë fund. Sipas burimeve pranë ish kreut të PD, ai po punon për krijimin e një partie të re demokrate ku do të jenë pjesë të gjithë deputetët që nuk i janë bashkuar Foltores.

Aktualisht Lulzim Basha është i angazhuar totalisht në shërbim të nënës së tij, e cila po kalon një situatë të vështirë shëndetësore, por në shtator do të vejë në jetë projektin e ri.

Sipas burimeve të VOX News partia do të jetë me theks pro amerikan edhe si kontrast i Non Gratës së Berishës.

Basha do ta regjistrojë partinë që në zgjedhjet e ardhshme lokale që do të mbahen në pranverë.

Burime nga PD bëjnë me dije se ish kryetari i opozitës ka përhapur informacionin se partia ka mbështetje të të gjithë ambasadorëve të huaj këtu dhe do të jetë partia e rotacionit.

Pikëpyetja e gjithë historisë mbetet aftësia që ka Basha për të bërë një parti të re, ndërsa dështoi me një parti që ishte me struktura të ngritura.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.


Në përputhje me standarded JTI

Video

SHIKO KANALIN NE YOUTUBE
×