FOTOT E PROJEKTIT/ “Gafa” e Korporatës me Bibliotekën, në hartë del te Rruga e Elbasanit dhe projekti shkon te Kodrat e Liqenit!

Korporata e Investimeve Shqiptare, një institucion që u ngrit nga hiçi për të zaptuar pronat publike dhe për t’i shndërruar në hotele, restorante, bare apo apartamente private, është kthyer në epiqendrën e qeverisë. Të paktën ekonomikisht, ku po “qerasen” klientët e saj.

Një nga projektet që e ka në vijim është ndërtimi i Bibliotekës Kombëtare. Por, këtu ka një problem. Të paktën në dukje dhe me letra; në hartë Biblioteka e re do të ndërtohet te ish-vilat Gjermane, në afërsi të Qytetit Studenti.

Ndërkohë, në projektin e publikuar së fundmi, nga Korporata, del se Biblioteka do të ndërtohet në ish-territorin e Gardës së Republikës, në afërsi të Digës së Liqenit. Tani,

Një gafë me apo pa dashje?! Dhe kujt i intereson ky gabim i bërë nga Korporata, e cila jep disa vende të ndryshme. Natyrisht, vlera më e madhe e pronës është te Kodrat e Liqenit Artificial dhe jo te ish-vilat Gjermane. Pikërisht kjo vlerë mund të jetë arsyeja përse u ndryshua ma apo pa dashje!

Faksimile: Dokumenti i KISH, ku del se Biblioteka e re Kombëtare do të ndërtohet te ish-vilat Gjermane

VoxNews ka hulumtuar dokumentet e vetë Korporatës për këtë projekt. Në “dokumentin e kualifikimit” del harta se Biblioteka Kombëtare do të ndërtohet te ish-vilat Gjermane, madje në dokument jepen edhe koordinatat.

Në këto koordinata rezulton se Biblioteka do të ketë një sipërfaqe të konkursit prej 5.219 m2. “Sipërfaqja maksimale e ndërtimit mbi tokë brenda zonës së konkursit të jetë 60.000 m2” thuhet në këtë shkresë.

Por një paragraf tjetër, “përgënjeshtron” hartën dhe gjithçka. Korporata shkruan se siti i konkursit për zhvillimin multi-funksional ndodhet në zonën e ish-“vilave gjermane”, në rrugën “Gramoz Pashko”, një zonë të rëndësishme të Tiranës, e cila shtrihet në një mbivendosje mjedisesh të larmishme urbane dhe ofron një mundësi të veçantë për të harmonizuar tipologji dhe stile të ndryshme jetese.

Në foto: Korporata ka publikuar projektin e Bibliotekës së re Kombëtare, ku do të ndërtohet te Kodrat e Liqenit Artificial

Ndërkohë, pas kësaj çoroditje, Korporata ka publikuar edhe projektin e Bibliotekës. Dhe gjejeni se ku do të ndërtohet; te Kodrat e Liqenit Artificial, një godinë shumëkatëshe, e cila do të ketë brenda edhe barë dhe restorante.

Sërish do të ndërtohet me planin e bashkëpunimit me privatin, ndërsa nga maketi duket se do të zërë shumë territor të Liqenit.

Tashmë, megjithë këto harta dhe projekte, të shohim lëvizjen e radhës së Korporatës, e cila vijon që çdo ditë të tjetërsojë prona publike, për t’ia kaluar privatëve.

©CopyrightVoxNews

Ky artikull është ekskluziv i VoxNews, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar VoxNews dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

dokumenti i kish ku del se biblioteka e re kombetare do te ndertohet te ish vilat gjermane

dokumenti i kish ku del se biblioteka e re kombetare do te ndertohet te ish vilat gjermane2

korporata ka publikuar projektin e bibliotekes se re kombetare ku do te ndertohet te kodrat e liqenit artificial

korporata ka publikuar projektin e bibliotekes se re kombetare ku do te ndertohet te kodrat e liqenit artificial2

whatsapp image 2025 04 03 at 170038

whatsapp image 2025 04 03 at 170038 1