METAMORFOZA / “Më ndihmo në këtë orë të ligë o Gjigant”: I Gjati bëhet fetar, i lutet portretit të vet në mur!

 Kliko këtu për të tjera
Voxpress:

E martuar me tre fëmijë, këngëtarja e njohur: Jam panseksuale!

10 Nëntor 2026, 11:57Lifestyle SHKRUAR NGA REDAKSIA VOX

E martuar me tre fëmijë, këngëtarja e njohur: Jam

Këngëtarja e njohur kanadeze Alanis Morissette ka bërë një deklaratë personale që ka tërhequr vëmendjen e publikut, duke zbuluar se identifikohet si panseksuale. Artistja e ndau këtë informacion gjatë një episodi të podcastit “Handsome”, ku ishte e ftuar nga moderatoret Tig Notaro, Fortune Feimster dhe Mae Martin.

Biseda nisi kur Fortune Feimster iu drejtua këngëtares me një koment për marrëdhëniet e saj të mëparshme me burrat, duke i thënë se, megjithëse i vinte keq për lëndimet që kishte përjetuar, prej tyre kishin lindur disa nga këngët më të njohura të artistes. Më pas, ajo e pyeti me shaka nëse këto përvoja e kishin bërë të mendonte të bëhej lezbike.

 “Jam panseksuale, kështu që po”, u përgjigj Morissette. Deklarata habiti moderatoren Tig Notaro, e cila kërkoi të dinte nëse këngëtarja e kishte seriozisht. “Po, jam”, sqaroi artistja.

Kur moderatoret i thanë me humor se duhej ta kishte ndarë këtë informacion që në fillim të emisionit, Morissette u përgjigj se preferonte ta ruante si një zbulim për fundin e bisedës.

 Panseksualiteti përkufizohet si tërheqja romantike ose seksuale ndaj njerëzve, pavarësisht gjinisë apo identitetit të tyre gjinor. Alanis Morissette, e cila u bë e famshme ndërkombëtarisht në vitin 1995 me albumin “Jagged Little Pill”, është e martuar që prej vitit 2010 me Mario “Souleye” Treadway. Çifti ka tre fëmijë: Ever, 15 vjeç, Onyx, 10 vjeç dhe Winter, 7 vjeç.

Albumi i saj i famshëm u përshtat në një muzikal në Broadway në vitin 2019, duke fituar dy çmime Tony. Ndërsa këtë vit, këngëtarja u përfshi edhe në Songwriters Hall of Fame, në vlerësim të kontributit të saj në muzikë.

 Së fundmi, Morissette është përballur edhe me një çështje ligjore, pasi ka ngritur padi ndaj ish-menaxheres së turneut, duke e akuzuar për shantazh dhe përpjekje për ta përfshirë në një akuzë të rreme për trafik droge.


Në përputhje me standarded JTI

Video

SHIKO KANALIN NE YOUTUBE
×