METAMORFOZA / “Më ndihmo në këtë orë të ligë o Gjigant”: I Gjati bëhet fetar, i lutet portretit të vet në mur!

 Kliko këtu për të tjera
Voxpress:

Ambasadorja seksi me kontratë 6 miliardë dollarë!

7 November 2026, 13:52Pikëpamje SHKRUAR NGA MITRO ÇELA
Ambasadorja seksi me kontratë 6 miliardë dollarë!
Edi Rama/ Kimberly Guilfoyle

Parafytyroni portën e qeverisë. Te dera qëndron Rama. Shik. Me atlete të bardha.

Te shkallët ndalon një fuoristradë. E zezë. Hapet dera.

 Zbret një femër seksi. Me taka të larta. Tregon se është e shkurtër. Me fytyrë të “bërë”. Buzët. Faqet. Vetullat. Gushën.

Ngjit shkallët dhe përfundon në krahët e hapur të Ramës.

Ishte ambasadorja amerikane në Greqi.

Çifti futet brenda.

Kaq.

Më vonë mësuam se janë takuar. Kanë ngrënë darkë.

Pastaj mësuam se ambasadorja vinte si ndërmjetëse e kompanisë greke AKTOR.

Do të bëhej një kontratë për të importuar gaz të lëngshëm nga Greqia, i prodhuar në Amerikë.

Pastaj i dolën petët lakrorit.

Më 28 prill 2026, ALBGAZ, nënshkroi një marrëveshje 20-vjeçare me kompaninë greke AKTOR, për furnizimin e Shqipërisë me gaz natyror të lëngshëm.

Kontrata e firmosur, do “piqej” në vitin 2030.

Sa kohë do zgjaste?

Ambasadorja amerikane, me buzët vesh më vesh, tha:

-20 vjet? Vlera e kontratës 6 miliardë dollarë amerikanë.

Kaq para as kishim parë e as kishim dëgjuar.

-Marrëveshje historike,-sqaroi Rama.- Këtë mund ta bëjë vetëm qeveria socialiste!

Dalin disa pikëpyetje.

Së pari. Si do transportohet gazi i lëngshëm. Mëmëdheu ynë nuk ka rrjet tubacionesh.

Së dyti. Shqipot nuk përdorin gaz të lëngshëm.

-“Qiqra në hell!” Mendoi Rama. Inat dhe mëri e Berishës. Smirë e demokratëve. Për pesë vjet, socialistët, do bëjmë mrekullira.

Por Ramës i “ngriu” buzëqeshja. Ambasadoria amerikane dha dorëheqje. U akuzua për korrupsion?!

Po pse u trondit Rama? Ambasadoria është fis me Tramp. Ramës i duhej një “dritare e hapur” për t’u përqafuar me Tramp.

Po halli i marrëveshjes?

-Pa zarar, – mendoi Rama.- Bëhen zgjedhjet. Humbet Tramp. E grisim kontratën.

Por nuk mendojnë kështu ekspertët grekë.

Në një artikull të botuar në Amerikë, ata kërcënojnë:

-Nëse Shqipëria prish kontratën, çështjen do ta çojmë për zgjidhje në Arbitrazh.

Dhe Rama doli me këpucë të kuqe…


Në përputhje me standarded JTI

Video

SHIKO KANALIN NE YOUTUBE
×