Vrau bashkatdhetarin për borxhin 20 mijë paund, dënohet shqiptari në Angli

Një shqiptar është dënuar për vrasjen e bashkatdhetarit të tij në Angli.

Shpend Hakli, 38 vjeç vrau Sazan Bakon, 35 vjeç pas një konflikti në nëntor të vitit të kaluar.

Para gjykatës së Maidstone Crown, 38-vjeçari tregoi se një vit më parë, takoi në një rrugë në Strood Henerik Bakon, vëllain e viktimës, për të cilin pretendon se i detyrohej 200 mijë paund. Në takim ndodhej edhe vëllai i autorit.

Vëllezërit Hakli prisnin paratë që thonë se viktima iu kishte borxh, ndërkohë që si ndërmjetës i viktimës shkoi në takim edhe vëllai.

Por, sipas dëshmisë, Shpend Hakli e goditi në fytyrë Sazan Bakon.

Juria dëgjoi sesi Hakili, i cili mohoi vrasjen nga pakujdesia, humbi durimin dhe e goditi viktimën në fytyrë "pa paralajmërim apo provokim".

“Ata besonin se Henerik Bako ishte instrumenti pse Hakili u arrestua dhe u dënua për trafik droge në 2018”, tha prokurori.

Incidenti u filmua nga kamerat e sigurisë në Cuxton Road.

Pas sherrit, vëllezërit Bako u larguan. Me të mbërritur në shtëpi, 35-vjeçari bëri dush dhe u shtri të flejë, për të mos u zgjuar më, sipas dëshmisë së të vëllait.

Sipas mjekëve, Sazan Bako pësoi një dëmtim të rëndë traumatik të trurit, që rezultoi fatal për të.

38-vjeçari, i cili mbahej në paraburgim, u dënua për vrasje nga pakujdesia.