ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Vrasja e gjyqtarit Kalaja, Policia jep informacion për ngjarjen: Autori Elvis Shkambi, nipi i Gjon Shkambit

6 October 2025, 16:51Aktualitet SHKRUAR NGA REDAKSIA VOX
Vrasja e gjyqtarit Kalaja, Policia jep informacion për ngjarjen: Autori
Pamje nga vendngjarja

Policia e Tiranës ka dhënë informacion për vrasjen e gjyqtarit Astrit Kalaja, ditën e sotme brenda sallës së gjyqit në Gjykatën e Apelit të Tiranës.

Policia thotë se krimin e ka kryer Elvis Shkambi, nipi i Gjon Shkambit, i cili ishte palë në gjyqin që po mbahej sot për një çështje pronash.

Njoftimi i Policisë:

Rreth orës 15:40, në ambientet e Gjykatës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces). 

Si pasojë ka humbur jetën shtetasi A. K. dhe janë plagosur shtetasit R. K. dhe E. K, të cilët janë jashtë rrezikut për jetën.

Shërbimet e Policisë me marrjen e njoftimit kanë shkuar menjëherë në vendngjarje dhe kanë bërë të mundur  kapjen dhe shoqërimin në ambientet e DVP Tiranë, të autorit të dyshuar, shtetasin E. Sh., si dhe kanë sekuestruar armën e krimit.

Në vijim do të jepet informacion më i plotë për ngjarjen.


Në përputhje me standarded JTI

Video

SHIKO KANALIN NE YOUTUBE
×