ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"U ushtruan kontrolle në një hotel në Vlorë", gazetari: Dy prokurori në garë për hetimin mbi fatin e Martinajt

8 October 2022, 15:30Aktualitet SHKRUAR NGA REDAKSIA VOX
"U ushtruan kontrolle në një hotel në Vlorë",
Ervis Martinaj

Gazetari i kronikës Ermal Vija thotë se hetimet për Ervis Martinajn janë shumë të vështira pasi ky i fundit është një person me precedentë të theksuar kriminalë.

Ai shprehet se çështja e Ervis Martinajt po hetohet paralelisht nga dy prokurori, ajo e Kurbinit që ka nisur hetimet për rrëmbimin dhe zhdukjen e Martinajt pas denoncimit të familjarëve të tij 2 muaj më parë. Nga ana tjetër është Prokuroria e Posaçme që po heton për Ervis Martinajn, si një person i shumëkërkuar nga policia pasi u shpall në kërkim në maj të këtij viti pas operacionit të koduar Plumbi i Artë.

Vija deklaroi gjithashtu se veç kontrolleve në Durrës dhe në Shijak, është ushtruar kontroll dhe në një hotel në Vlorë dhe sipas tij, nëse Prokuroria  e Kurbinit do të gjente një provë që Ervis Martinaj është rrëmbyer nga një grup kriminal, do të duhet t’ia kalonte kompetencat SPAK-ut.

“Ka pasur një operacion në disa banesa ku dyshohet se persona të caktuar mund të kenë organizuar rrëmbimin e Martinajt, veç Shijakut dhe Durrësit operacione janë kryer në një hotel në Vlorë. Prokuroria e Kurbinit udhëheq hetimet për pistën e rrëmbimit, kur kanë kaluar 2 muaj nga denoncimi i familjarëve. Është një hetim që do kohën e vet, kur kemi të bëjmë me një person me shumë rekorde të theksuara kriminale. Janë dy prokurori që garojnë për hetimet, ajo e Kurbinit dhe SPAK që e kërkon si i shumëkërkuar. Nëse Prokuroria  e Kurbinit do të gjente një provë që është rrëmbyer nga një grup kriminal, do të duhet t’ia kalonte kompetencat SPAK”, tha gazetari në një intervistë televizive.


Në përputhje me standarded JTI

Video

SHIKO KANALIN NE YOUTUBE
×