Shpërthime në një gurore në Borizanë, banorët e alarmuar njftojnë policinë

Disa shpërthime të fuqishme janë regjistruar në një gurore në Borizanë të Fushë-Krujës.

Mësohet se banorët e zonës të alarmuar nga tronditjet që kanë shkaktuar shpërthimet kanë njoftuar menjëherë policinë.

Këta të fundit i kanë rekomanduar që denoncimin ta bëjnë në komisariatin e Fushë-Krujës, por banorët kanë refuzuar me arsyetimin se nuk kanë besim.

Ngjarja vjen vetëm pak javë pas shpërthimeve në guroren e fisit Rraja që futën në konflikt dy fise dhe çuan në dorëheqjen e një deputeti, një ministri dhe shkarkimin e dhjetra policëve në Fushë-Krujë.