KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Sherr me armë zjarri në Korçë, policia në ndjekje të dy vëllezërve

10 August 2023, 20:45Aktualitet SHKRUAR NGA REDAKSIA VOX
Sherr me armë zjarri në Korçë, policia në ndjekje
Foto ilustruese


Një sherr me armë zjarri, pa të lënduar, është regjistruar mbrëmjen e sotme në qytetin e Korçës.

Policia bën me dije se dy vëllezër, të identifikuar tashmë, kanë konfliktuar me disa persona të tjerë për motive banale dhe kanë qëlluar me armë zjarri në ajër.

Aktualisht po punohet për kapjen e tyre dhe sqarimin e rrethanave të ngjarjes.

Njoftimi i policisë:

U konfliktuan me një shtetas për motive të dobëta dhe njëri prej tyre qëlloi me armë zjarri në ajër, identifikohen 2 vëllezërit dhe vijon krehja e zonës për kapjen e tyre.

Më datë 10.08.2023, rreth orës 19:00, shërbimet e Policisë sapo kanë marrë njoftim se në lagjen nr. 8, Korçë, po ndodhte një konflikt midis disa shtetasve, kanë shkuar menjëherë në adresën e dhënë, ku ka rezultuar se vëllezërit Dh. D. dhe M. D.,për motive të dobëta ishin konfliktuar me shtetasin F. R. Gjatë konfliktit dyshohet se njëri prej vëllezërve, ka qëlluar me armë zjarri në ajër dhe më pas janë larguar nga vendngjarja, sapo kanë konstatuar Policinë.

Policia ka identifikuar dhe shpallur në kërkim dy vëllezërit, ka rrethuar zonën dhe vijon ndjekjen me qëllim kapjen e tyre.

Grupi hetimor ndodhet në vendngjarje dhe po punon për sqarimin e plotë dhe dokumentimin e rrethanave të ngjarjes.


Në përputhje me standarded JTI

Video

SHIKO KANALIN NE YOUTUBE
×