KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Reshje të dendura shiu dhe erë e fortë në disa qytete të vendit, apeli i Ministrisë së Mbrojtjes: Bashkitë të marrin masa

20 November 2022, 08:19Aktualitet SHKRUAR NGA REDAKSIA VOX

Reshje të dendura shiu dhe erë e fortë në disa qytete

Era e fortë dhe reshjet e shumta gjatë mbrëmjes së djeshme, kanë sjellë probleme të shumta në zonën e Dukatit të Vlorës. Për pasojë janë rrëzuar disa pemë të mëdha, gjë që ka sjellë probleme në qarkullimin e automjeteve.

Qyteti i Durrësit është përshirë nga reshje të shumta shiu në mëngjes. Tragetet e nisura nga Bari kanë mbërritur në kohën e duhur, por peshkarexhat dhe anijet e vogla janë të bllokuara në port si pasojë e motit të keq.

Ndërkohë raportohet për reshje shiu intensive edhe në Kukës

Ministri i Mbrojtjes, Niko Peleshi ka bërë thirrje ndaj pushtetit vendor për të marrë masat e nevojshme për t’u paraprirë përmbytjeve apo rrëshqitjeve të dherave në vend të cilat mund të shkaktohen si pasojë e reshjeve intensive në qarqet e Shkodrës, Lezhës, Kukësit, Vlorës dhe Gjirokastrës.

“Duke marrë në analizë modelet e fundit të hartave meteorologjike, pritet që mbi vendin tonë në orët në vijim në qarqet Shkodër, Lezhë, Kukës, Vlorë dhe Gjirokastër, të ketë reshje intensive të cilat mund të sjellin vërshime të përrenjve dhe lumenjve të vegjël dhe përmbytje në zonat urbane.

Ministria e Mbrojtjes dhe Agjencia e Mbrojtjes Civile i bën thirrje pushtetit vendor të marrë masat e nevojshme për t’u paraprirë përmbytjeve apo rrëshqitjeve të dherave.

Ne do të jemi në monitorim të vazhdueshëm të të gjitha situatave që mund të krijohen, duke garantuar ndihmë të menjëhershme në çdo rast emergjence”-shkruan Peleshi.

 


Në përputhje me standarded JTI

Video

SHIKO KANALIN NE YOUTUBE
×