ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

OKB: Situata në veri të Gazës është apokaliptike, të gjithë janë të rrezikuar nga vdekja

1 November 2024, 19:31Kosova&Bota SHKRUAR NGA REDAKSIA VOX
OKB: Situata në veri të Gazës është apokaliptike,

Situata në Rripin verior të Gazës është "apokaliptike", thanë të premten krerët e Kombeve të Bashkuara, duke paralajmëruar se e gjithë popullsia e saj ishte në "rrezik të menjëhershëm" të vdekjes.

Ata thanë se i gjithë rajoni i Lindjes së Mesme ishte tani në një greminë dhe bënë thirrje për një ndërprerje të menjëhershme të armiqësive.

“Situata që po shpaloset në Gazën e Veriut është apokaliptike”, thuhet në deklaratën e përbashkët nga krerët e organizatave që formojnë Komitetin e Përhershëm Ndër-Agjencior të OKB-së.

“Zona ka qenë e rrethuar për gati një muaj, iu është mohuar ndihma bazë dhe furnizimet për shpëtimin e jetës, ndërsa bombardimet dhe sulmet e tjera vazhdojnë. Vetëm në ditët e fundit, qindra palestinezë janë vrarë, shumica prej tyre gra dhe fëmijë, dhe mijëra janë zhvendosur sërish me forcë.

E gjithë popullata palestineze në Gazën Veriore është në rrezik të menjëhershëm për të vdekur nga sëmundjet, uria dhe dhuna”, thuhet në deklaratë.

Ata u kërkuan të gjitha palëve që luftojnë në territorin e rrethuar palestinez të mbrojnë civilët dhe i bënë thirrje Izraelit “të ndalojë sulmin e tij ndaj Gazës dhe humanitarëve që përpiqen të ndihmojnë”.

“Ndihma humanitare nuk mund të vazhdojë me shkallën e nevojave për shkak të kufizimeve të aksesit. Mallrat bazë që shpëtojnë jetë nuk janë të disponueshme. Humanitarët nuk janë të sigurt për të bërë punën e tyre dhe janë të bllokuar nga forcat izraelite dhe nga pasiguria për të arritur tek njerëzit në nevojë”, thanë ata.

“Ndihma humanitare duhet të lehtësohet dhe ne u bëjmë thirrje të gjitha palëve që të ofrojnë akses të papenguar për njerëzit e prekur”, ndërsa spitalet “nuk duhet të kthehen në terrene beteje”.

Deklarata u nënshkrua nga krerët e agjencive humanitare, shëndetësore, ushqimore, të drejtave, migracionit, refugjatëve, zhvillimit, fëmijëve dhe grave, ndër të tjera të OKB-së.

“I gjithë rajoni është në buzë të një gremine. Një ndërprerje e menjëhershme e armiqësive dhe një armëpushim i qëndrueshëm dhe i pakushtëzuar janë shumë të vonuara”, thanë ata.


Në përputhje me standarded JTI

Video

SHIKO KANALIN NE YOUTUBE
×