KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

OBSH paralajmëron për “epideminë” që shkakton mbi 1.2 milion vdekje në vit në Europë

3 May 2022, 17:02Aktualitet SHKRUAR NGA REDAKSIA VOX
OBSH paralajmëron për “epideminë” që shkakton
OBSH kërkon angazhim politik të nivelit të lartë për të trajtuar obezitetin, krahas masave të tilla si taksat e sheqerit për pijet me sheqer dhe subvencionet për ushqimin e shëndetshëm

Organizata Botërore e Shëndetësisë tha se “epidemia” e mbipeshës dhe obezitetit shkakton mbi 1.2 milion vdekje në vit në të gjithë Europën.

Në raportin e publikuar të martën, OBSH-ja tha se normat e obezitetit në kontinent janë rritur për 138 për qind në pesë dekadat e fundit. Gati një e katërta e të rriturve tani janë obezë në Europë – më shumë se në çdo rajon tjetër, përveç Amerikës, tha OBSH-ja.

“Përqindjet e mbipeshës dhe obezitetit kanë arritur përmasa epidemike në të gjithë rajonin dhe janë duke u përshkallëzuar”, tha Zyra në Evropë e OBSH-së.

“Rritja e indeksit të masës trupore është faktor kryesor rreziku për sëmundjet jo të transmetueshme, përfshirë kancerin dhe sëmundjet kardiovaskulare”, citohet në raport drejtori rajonal i OBSH-së, Hans Kluge.

Obeziteti shkakton së paku 13 lloje të ndryshme të kancerit dhe ka të ngjarë të jetë përgjegjës për së paku 200,000 raste të reja të kancerit në vit, thuhet në raport.

“Kjo shifër do të rritet edhe më në vitet e ardhshme”, paralajmëroi OBSH-ja.

Mbipesha dhe obeziteti vlerësohet se shkaktojnë më shumë se 1.2 milion vdekje në vit, duke përbërë më shumë se 13 për qind të vdekjeve në rajon, thuhet në raportin e OBSH-së.

Organizata bëri thirrje për ndryshimin e politikave, për të parandaluar obezitetin dhe për të promovuar stile të shëndetshme të jetesës. Si shembuj, ajo përmendi taksimin e pijeve me sheqer dhe subvencionimin e ushqimeve të shëndetshme.


Në përputhje me standarded JTI

Video

SHIKO KANALIN NE YOUTUBE
×