KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Janë kryer me të njëjtën tipologji dhe i njëjti burim", Prokuroria e Tiranës nis hetimet për sulmin kibernetik

12 September 2022, 15:25Aktualitet SHKRUAR NGA REDAKSIA VOX
"Janë kryer me të njëjtën tipologji dhe i njëjti
Pamjet e publikuara nga hakerat

Prokuroria e Tiranës, përmes një njoftimi për mediat ka bërë me dije se ka nisur hetimet pas sulmit kibernetik ndaj sistemit TIMS, i cili shkaktoi kaos për dy ditë në pikat kufitare dhe sipas kryeministrit Edi Rama pas këtij sulmi qendornte një grup hakerash iranianë.

Prokuroria e Tiranës bën me dije se ka regjistruar procedimin penal për veprat penale: “Përgjim i paligjshëm i të dhënave kompjuterike”; “Ndërhyrja në të dhënat kompjuterike”; “Ndërhyrja në Sistemet kompjuterike” dhe “Keqpërdorimi i pajisjeve”.

Prokuroria deklaron se sulmi kibernetik ndaj AKSHIT dhe ndaj sistemit TIMS janë kryer me të njëjtën tipologji dhe sulmi kibernetik ka ardhur nga i njëjti burim dhe për këtë arsye po hetohen në një dosje të vetme.

Deklarata e plotë:

Sulmi kibernetik ndaj TIMS, Prokuroria e Tiranës nis hetimet për disa vepra penale.

Prokuroria pranë Gjykatës së Shkallës së Parë Tiranë ka përfshirë në dosjen e hetimit të nisur për sulmin kibernetik ndaj portalit e-Albania në korrik të këtij viti edhe sulmin e fundit kibernetik ndaj sistemit TIMS, i cili rregullon hyrje-daljet në Republikën e Shqipërisë.Më datë 19.07.2022, Prokuroria e Rrethit Gjyqësor Tiranë, ka regjistruar procedimin penal për veprat penale:

“Përgjim i paligjshëm i të dhënave kompjuterike”;

“Ndërhyrja në të dhënat kompjuterike”;

“Ndërhyrja në Sistemet kompjuterike”; dhe

“Keqpërdorimi i pajisjeve”, të parashikuara nga nenet 293/a, 293/b, 293/c, 293/ç, të Kodit Penal.

Objekti i hetimit është sulmi kibernetik ndaj institucionit shtetëror të AKSHI-it që përmbledh gjithë faqet zyrtare qeveritare në Republikën e Shqipërisë.

Po kështu, më datë 09.09.2022 është kryer një tjetër sulm kibernetik në pajisjet dhe sistemet që administrohen dhe menaxhohen nga Ministria e Brendshme në Shqipëri.

Këto dy veprime, duke qenë se janë kryer me të njëjtën tipologji dhe sulmi kibernetik ka ardhur nga i njëjti burim, po hetohen në një dosje të vetme.

Si në momentin e sulmit të parë ashtu edhe në sulmin e dytë, Prokuroria pranë Gjykatës së Shkallës së Parë Tiranë, ka ndërmarrë veprime të menjëhershme duke operuar me vendimmarrjet urgjente që ka diktuar dinamika e veprimeve. 

Në ushtrim të kompetencave të saj dhe në bashkëpunim të ngushtë me gjithë agjencitë ligjzbatuese dhe partnerët që asistojnë autoritetet shqiptare, prokuroria ka kryer një sërë veprimesh hetimore, duke përfshirë dërgimin e kërkesës për ndihmë juridike në disa shtete. 

Hetimet në lidhje me këto raste janë komplekse dhe po vijojnë.


Në përputhje me standarded JTI

Video

SHIKO KANALIN NE YOUTUBE
×