"Ishte duke ngjitur disa kova me llaç", ja PAMJET nga kantieri ku humbi JETËN 28-vjeçari!

Detaje të rënda nga ngjarje e rëndë ka ndodhur në Tiranë, ku një i ri ka humbur jetën teksa punonte në një pallat në ndërtim.

Ngjarja ka ndodhur rreth orës 08:20, në rrugën “Aleksandër Mojsiu” në kryeqytet. 

28-vjeçari, Ardian Fejzullahi ka rënë nga kati i 7-të i pallatit në ndërtim teksa ka qenë duke ngjitur disa kova me llaç. Si pasojë e plagëve të marra ai ka humbur jetën. Kompania e cila po ndërtonte ishte "ANDI KONSTRUKSION" shpk, me pronar Latif Miha. 

VoxNews sjell edhe pamjet nga pallati në ndërtim, ku vihet re se pallati nuk ka skela ndërtimi. 

Njoftimi i policisë:

Më datë 27.05.2024, rreth orës 08:20, në rrugën “Aleksandër Mojsiu”, në një pallat në ndërtim e sipër, duke punuar ka rënë nga lartësia shtetasi A. F., 28 vjeç, i cili si pasojë e dëmtimeve të marra ka humbur jetën.

Alarm në SHqipëri, 5 të vdekur nga aksidentet në punë në 1 muaj

Ky është aksidenti i katërt me vdekje në punë që brenda muajit maj, 3 punonjës kanë humbur jetën tragjikisht në ndërtim, 28-vjeçari në Tiranë dhe dy punonjës të tjerë në Lezhë.

Ndërsa një tjetër 24-vjeçar humbi jetën teksa punonte në një gurore në Brataj të Selenicës, një masiv guri u shkëput nga mali dhe e zuri poshtë.

Më datë 9 majit 2024 në Lezhë, një punëtor 28-vjeçari gjeti vdekjen pasi ra nga kati i nëntë i pallatit teksa po montonte vinçin dhe u shkëput.

Nga verikimet rezultoi se i riu Emiliano Frroku punonte në të zezë dhe dy katet e fundit të pallatit po bëheshin pa dokumentacionin përkates.

Në lidhje me ngjarjen policia shpalli në kërkim 3 përsona dhe një tjeter u proçedua penalisht në gjendje të lirë.

Dy ditë më vonë, konkretisht mesditen e 11 majit 2024 një tjeter aksident në punë i mori jetën një 50-vjeçari Preng Gjoni u godit në kokë nga një dërrasë që u shkëput nga lartësia, teksa po punonte në një pallat në ndërtim në Kune.

Për këtë rast Gjykata ka caktuar masën arrest shtëpie për administratorin e kompanisë Martin Kovaçi dhe punëtorin Eduard Frroku.

©CopyrightVoxNews

Ky artikull është ekskluziv i VoxNews, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar VoxNews dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.