KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

I biri iu vra me plumb në kokë nga vëllezërit Kusi, babai i Indrit Çelajt i jep fund jetës duke pirë fostoksinë

16 September 2022, 21:37Aktualitet SHKRUAR NGA REDAKSIA VOX
I biri iu vra me plumb në kokë nga vëllezërit Kusi, babai i
Batjan dhe Indrit Çelaj

Një ngjarje e rëndë është regjistruar ditën e djeshme në fshatin Ngraçan të Mallakstrës. 63-vjeçari Batjan Çelaj i ka dhënë fund jetës duke pirë fostoksinë.

Ngjarja u raportua nga policia ditën e sotme ku behët me dije se për rastin janë referuar materialet në Prokurori për vlerësim.

Burime bëjnë me dije se Batjan Çelaj është babai i Indrit Çelajt, i cili është vrarë më 22 Gusht të vitit 2019 në Tiranë. 

26-vjeç në atë kohë, Indrit Çelaj punonte si teknik për montimin dhe riparimin e kondicionerëve dhe u qëllua me një plumb pistolete në kokë nga djemtë e pronarit të ndërtesës ku ai po punonte. Konflikti banal që çoi në tragjedi nisi për rrjedhjen e ujit nga tubi i kondicionerit.

Dy vëllezërit Griseldo dhe Albano Kusi, pasi qëlluan të riun në bashkëpunim me njëri-tjetrin, duke e lënë fillimisht të plagosur rëndë, kërcënuan një tjetër punëtor që shoqëronte Indrit Çelën për riparimin e kondicionerit me të cilin kishin lidhje shoqërore, duke i kërkuar të pranojë para autoriteteve se është ai personi që qëlloi mbi 26-vjeçarin.

Gjykata e Tiranës vendosi të dënojë Griseldo Kusin me 12 vite burg dhe me dy vjet burg vëllain tjetër, Albano Kusin.

Babai i të riut siç duket nuk ka mundur ta largojë dot dhimbjen nga zemra edhe pas tre vitesh duke i dhënë fund jetës në mënyrë tragjike.

Në atë kohë, Batjan Çelaj shprehej tepër i pikëlluar për vrasjen e të birit, të cilin e konsideronte si një djalë shembullor.

"Kjo që më ndodhi mua mos i ndodhtë asnjërit .  Kjo është fatkeqësi e  madhe në Shqipëri.  Ti nisesh në punë dhe kthehesh i vdekur është fatkeqësi.  E kam marrë vesh nga gazetat . Çuni është vrarë në 11 paradite unë e  mora vesh në orën 7 në darkë  se i kishin marrë edhe dokumentat.  Çunin e kishte marrë policia.  Djali ishte në punë , punonte me kondicionerë se ka mbaruar edhe elektriken. Montonte kondicionerët. Asnjë konflikt nuk ka pasur djali , ka qenë i kulturuar dhe i sjellshëm. Rrallë gjen djalë si ai , nuk dinte të ofendonte ishte i matur. Ma morën djalin në moshë të re. Në fillim të shtatorit do bënim bufenë. Kur vajta në spital vetëm kam mbajtur veten . Sikur  të kisha fuqi nuk dija se ça mund të bëja. Ku do kërkoj drejtësi, kush ma zgjidh mua..." u shpreh askohe Batjan Çelaj në lidhje me vrasjen e të birit, Indritit.


Në përputhje me standarded JTI

Video

SHIKO KANALIN NE YOUTUBE
×