KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

EMRAT/ Plagosja në Mamurras pas sherrit të çastit, policia: Sekuestruam edhe armën e krimit!

8 March 2024, 13:06Aktualitet SHKRUAR NGA REDAKSIA VOX

EMRAT/ Plagosja në Mamurras pas sherrit të çastit, policia:

Një 25-vjeçar është qëlluar me armë zjarri në Mamurras të Lezhës.  Policia thotë se ai është qëlluar pas një sherri të çastit me një 21-vjeçar.

Pas sherrit, Endri Baçuku ka nxjerrë armën dhe ka qëlluar në drejtim të 25-vjeçarit Jurgen Ndreca.

Ky i fundit ka marrë një plumb në shpatull dhe është dërguar në Spitalin e Traumës për mjekim më të specializuar. Ndreca ndodhet jashtë rrezikut për jetën.

EMRAT/ Plagosja në Mamurras pas sherrit të çastit, policia:

Ndërkohë, policia ka arrestuar 21-vjeçarin, Endri Baçuku, si edhe është sekuestruar arma e krimit.

Njoftimi i policisë:

Plagosi me armë zjarri, një 25-vjeçar, gjatë një konflikti të çastit, mbërritja e menjëhershme e Policisë mundëson arrestimin në flagrancë të autorit.

Policia gjen dhe sekuestron armën e zjarrit pistoletë, me të cilën u krye plagosja.

Rreth orës 12:00, sapo janë njoftuar për një plagosje me armë zjarri, në hyrje të Mamurrasit, shërbimet e Drejtorisë Vendore të Policisë Lezhë, në bashkëpunim me ato të Komisariatit të Policisë Kurbin, kanë organizuar punën dhe kanë mbërritur në vendngjarje, për të zbardhur rrethanat e rastit dhe për të kapur përgjegjësin/t.

Si rezultat u bë kapja e menjëhershme në flagrancë dhe vënia në pranga e shtetasit E. P., 21 vjeç, banues në Mamurras, i cili dyshohet se gjatë një konflikti të çastit, për motive të dobëta, ka plagosur me armë zjarri pistoletë, shtetasin J. N., 25 vjeç, banues në Mamurras. Arma e zjarrit u gjet dhe u sekuestrua nga shërbimet e Policisë.

I plagosuri po transportohet në spital dhe aktualisht është jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×