DRASTIKE/ Doktori mbyll brenda Këshillin Kombëtar me çelës: Doni të ikni të bëheni drejtora në PS ju, hë?

 Kliko këtu për të tjera
Voxpress:

Do jetë nëntokësor/ Ndërtimi i muzeut arkeologjik në Tiranë, çfarë do të ndodhë me zyrat e Instituteve albanologjike?

2 Mars 2026, 19:20Aktualitet SHKRUAR NGA REDAKSIA VOX
Muzeu Arkeologjik

Këshilli i Ministrave ka marrë vendim që Muzeu i ri Arkeologjik në Tiranë të jetë në tokësor. Gjithashtu ka marrë vendimin edhe ndërtimin e një parkingy nëntokësor.

Duke ngarkuar Fondin Shqiptar të Zhvillimit të kryejë procedurat dhe Ministrinë e Kulturës (mes të tjerash) për lidhjen e marrëveshjeve të bashkëpunimit, vendimi lë të paqartë se çfarë ndodh me institutet albanologjike, zyrat e të cilave janë në Sheshin Nënë Tereza, mbi muzeun aktual arkeologjik, dhe në krah të një parkimi nëntokësor të bashkisë Tiranë.

Institutet Albanologjike i kaluan nën varësi Akademisë së Shkencave me reformën e viteve të fundit.

Ndonëse Akademia pat premtuar mbrojtje për to, VKM-ja e ka përjashtuar Akademinë e Shkencave nga procesi duke futur në lojë Ministrinë e Kulturës dhe duke nxjerrë në dritë hijet e shmangies së saj si autoritet çka tregon dhe për reformën vetë dhe për fatin e instituteve albanologjike. Vetë nisma për një muze të ri, nxjerr në pah probleme të vjetra, hapësirash për punonjësit shkencorë.

Për këtë çështje ka reaguar edhe studiuesi Afrim Krasniqi.

"Retrospektivë, mesi i viteve 2000. Një person i njohur trokiti në një prej zyrave më të larta të shtetit. Kishte një hall të madh. Bashkia ia kishte kërkuar banesën e tij private për ta prishur në shkëmbim të kompensimit. E refuzoi. Pastaj një oligark i njohur i erdhi me bashkinë dhe ia kërkoi shtëpinë për prishje për ndërtim pallati. E refuzoi. Pastaj ia dërguan policinë bashkiake dhe IKMT për ta kërcënuar me gjoba. E refuzoi. Pastaj një ditë i erdhi një zarf poshtë derës: “Banesa juaj do të prishet pa kompensim në të mirë publike. Sipas projektit francez trualli aty është parashikuar lulishte publike”. Ai mori letrën dhe po kërkonte zgjidhje, të cilën nuk e gjeti. U detyrua të bëj kompromis dhe natyrisht fitoi oligarku. Përndryshe ai do të vijonte të kishte çdo ditë përballë bashkinë, policinë, IKMT-në, planin francez, oligarkun dhe shtetin pas tij, etj, etj.

Kjo histori mu kujtua teksa lexova vendimin më të ri të qeverisë. Lidhet me godinën ku ndodhet albanologjia dhe rektorati i UT. Dikur aty erdhi një nga oligarkët dhe e kërkoi mbylljen e muzeun. Qenka mjedis shumë i mirë për disko apo argëtim, tha. U refuzua. Pastaj nisën reformat e mëdha...rreth gjysmë milionë euro për një librari pa lexues apo koncept libri në rreth rrotullimin e sheshit dhe tani jemi në fazën e fundit, ku në planin e ri (jo francez) është parashikuar të bëhet parking nëntokësor, diku aty edhe muze nëntokësor. Ngarkohet ministria dhe FSHZH, - thuhet në vend.

Albanologjia? Fondi, studiuesit, institutet? Nuk kanë rëndësi. Jetojmë në kohën kur trend janë kullat e larta dhe betoni me VKM; nuk është koha e dijes, librave, botimeve, studimeve, apo e shkencëtarëve dhe profesorëve që nuk janë (ende) në “drejtimin e duhur” të historisë! “Gjithçka mund të ndodhë, jetojmë në Tiron!” ishte refreni paralajmërues në rrugën drejt pushtetit”, shkruan Krasniqi në rrjetet sociale.


Në përputhje me standarded JTI

Video

SHIKO KANALIN NE YOUTUBE
×