KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

AGSH: Policia e Shtetit të garantojë lirinë e raportimit dhe të mos pengojë gazetarët gjatë protestave

8 October 2026, 13:43Aktualitet SHKRUAR NGA REDAKSIA VOX

AGSH: Policia e Shtetit të garantojë lirinë e raportimit dhe

Asociacioni i Gazetarëve të Shqipërisë ka ngritur shqetësimin për një sërë rastesh të raportuara të pengimit të gazetarëve, operatorëve dhe fotoreporterëve nga Policia e Shtetit gjatë protestave të zhvilluara sot pranë Kuvendit.

 AGSH thotë se punonjësve të medias u është kufizuar lëvizja dhe ushtrimi i detyrës në zonat ku po zhvilloheshin grumbullimet, duke i bërë thirrje Policisë të garantojë kushtet për raportim të lirë.

Deklarata e AGSH

Asociacioni i Gazetarëve të Shqipërisë ka marrë raportime të shumta për pengimin e ekipeve të mediave gjatë protestave të sotme në Kuvend nga ana e Policisë së Shtetit.

Gazetarët, operatorët dhe fotografët janë penguar gjatë ushtrimit të detyrës së tyre dhe u është kufizuar lëvizja e lirë në zonat ku kishte grumbullime.

AGSH shpreh shqetësimin për këto raportime dhe rikujton se gazetarët dhe punonjësit e medias kanë të drejtë të raportojnë lirisht nga protestat dhe ngjarjet me interes publik, pa u përballur me pengesa të pajustifikuara nga autoritetet shtetërore.
Policia e Shtetit ka detyrimin të garantojë sigurinë e gazetarëve dhe të krijojë kushtet e nevojshme për ushtrimin e lirë të profesionit të tyre, dhe jo të kufizojë në mënyrë arbitrare aksesin dhe lëvizjen e tyre.

AGSH thekson se masat për ruajtjen e rendit dhe sigurisë publike nuk mund të përdoren si justifikim për pengimin e raportimit gazetaresk.
Çdo kufizim duhet të ketë bazë ligjore, të jetë i domosdoshëm dhe proporcional, si dhe të mos cenojë në mënyrë të pajustifikuar të drejtën e publikut për t'u informuar.

U bëjmë thirrje drejtuesve të Policisë së Shtetit të marrin masa të menjëhershme për të garantuar që efektivët në terren të respektojnë punën e gazetarëve, operatorëve dhe fotoreporterëve, duke shmangur çdo ndërhyrje apo pengesë të panevojshme gjatë raportimit.
Prania e medias në protesta nuk është privilegj që jepet nga policia, por pjesë e ushtrimit të lirisë së shprehjes dhe të drejtës së qytetarëve për t'u informuar.

AGSH do të vijojë të dokumentojë rastet e raportuara dhe të kërkojë përgjegjshmëri institucionale për çdo cenim të lirisë së medias.


Në përputhje me standarded JTI

Video

SHIKO KANALIN NE YOUTUBE
×