UEFA ndëshkon Rumaninë pas parrullave në ndeshjen me Kosovën, ja dënimi

UEFA ka marrë sot vendimin për dënimin e Rumanisë, pasi gjatë ndeshjes me Kosovën të luajtur në Bukuresht, tifozët vendas shpalosën një banderolë me mbishkrimin “Kosova është Serbi”.

Komisioni Disiplinor i UEFA-s e ka dënuar Rumaninë me zhvillimin e një ndeshjeje pa tifozë, atë ndaj Andorrës.

Gjithashtu, Federata Rumune e Futbollit është gjobitur me 52 mijë euro për parregullsitë që u shfaqën në këtë ndeshje të vlefshme për Kampionatin Europian 2024.