Tirana i largohet fundit të renditjes, mposht Skënderbeun falë një penalltie

Tirana mposhti minimalisht Skënderbeun, në përballjen e javës së 25-të.

Një përballje delikate për të dyja ekipet, që luftojnë për mbijetesën.

Në “Elbasan Arena”, ishte një sfidë shumë e luftuar, e cila u vendos nga një penallti në fund.

Në minutën e 85-të, Vogli fitoi 11-metërsh, i cili u kthye në gol nga Bajrovic. Këtë avantazh, Tirana e ruajti deri në fund, për të marrë fitoren.

Bardheblutë i largohen fundit dhe ngjiten në vendin e shtatë me 26 pikë.

Skënderbeu mbetet në vendin e fundit, me vetëm 20 pikë të grumbulluar.