ZBULIMI/ Një studim i Syçka TV konfirmon dyshimin e vjetër: Nuli nuk mbush!

 Kliko këtu për të tjera
Voxpress:

Surpriza në sulm, Ervin Bulku: Ja pse u zgjodh Uzuni në formacionin startues

11 Tetor 2025, 20:27Sport SHKRUAR NGA REDAKSIA VOX
Ervin Bulku

Pak para sfidës të shumëpritur mes Serbisë dhe Shqipërisë, zëvendës trajneri i Kombëtares, Ervin Bulku, ka folur për zgjedhjet në formacionin kuqezi, duke dhënë edhe arsyet pse është preferuar Myrto Uzuni në repartin ofensiv.

Në intervistën për Klan Kuq e Zi, Bulku theksoi rëndësinë e takimit dhe nevojën që lojtarët të japin maksimumin.

“Mendoj se është një ndeshje shumë e rëndësishme. Me rëndësi është që të luajmë për fitore dhe të bëjmë maksimumin”, tha ai.

I pyetur për zgjedhjen e Uzunit si titullar, Bulku sqaroi se vendimi është marrë nga trajneri, duke vlerësuar kontributin që sulmuesi ka dhënë ndër vite.

“Trajneri ka vendosur që të jetë Uzuni nga minuta e parë. Uzuni është një golashënues, është lojtar që ka dhënë gjithmonë më të mirën”.

I pyetur se përse Arbër Hoxha nuk është në formacionin startues, Bulku theksoi se të gjithë lojtarët janë të rëndësishëm dhe gati për të dhënë kontributin e tyre.

“Arbër Hoxha ka tre apo katër javë që është në super formë, por mendoj se është një zgjedhje e trajnerit. 23 lojtarët që janë në protokollin e ndeshjes janë të gjithë të rëndësishëm”.

Në fund, zv.trajneri i Kombëtares theksoi se objektivi është fitorja.

“E rëndësishme është që skuadra të jetë në ekuilibër për 90 minuta dhe të përpiqemi të arrijmë fitoren”, përfundoi Bulku.


Në përputhje me standarded JTI

Video

SHIKO KANALIN NE YOUTUBE
×