ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Silvinjo me dhimbje koke, Rei Manaj humbet ndeshjen me Poloninë

16 March 2026, 20:38Sport SHKRUAR NGA REDAKSIA VOX
Silvinjo me dhimbje koke, Rei Manaj humbet ndeshjen me Poloninë
Rei Manaj

Rei Manaj humbet zyrtarisht ndeshjen kundër Polonisë, që do të luhet më 26 mars dhe është e vlefshme për “Play Off”-in e Botërorit.

Rezonanca magnetike që sulmuesi i Kombëtares ka kryer këtë të hënë ka konfirmuar një dëmtim muskulor të gradës së tretë në kofshën e majtë, çka e detyron të qëndrojë jashtë fushave të paktën për 2 muaj.

Lajmin e ka bërë të ditur vetë klubi i Sivasporit, ku aktivizohet 29-vjeçari.

Trajneri Silvinjo duhet të bëjë llogaritë për sfidën e Varshavës, pa sulmuesin titullar, por edhe me zëvendësuesit e tij jo në formën e duhur.

Mirlind Daku ende nuk është rikuperuar plotësisht nga dëmtimi, ndërsa Broja edhe pse u aktivizua pak minuta këtë fundjavë është larg formës optimale dhe mbi të gjitha aktivizohet në krahun e djathtë në skemën 4-3-3.

Nuk përjashtohet mundësia që trajneri të rikthejë në Kombëtare Indrit Tucin, Kristjan Shpendin apo Taulant Seferin, që po bëjnë mirë me skuadrat e tyre.

Nga futbollistët që janë pjesë e organikës rolin e sulmuesit 9 mund ta bëjë edhe Myrto Uzuni.

Silvinjo pritet që të publikojë listën e futbollistëve të grumbulluar këtë fundjavë. 


Në përputhje me standarded JTI

Video

SHIKO KANALIN NE YOUTUBE
×