KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Mbrojtja e mesfusha për turp, Atletiko shkatërron me poker Juventusin

7 August 2022, 20:00Sport SHKRUAR NGA REDAKSIA VOX

Mbrojtja e mesfusha për turp, Atletiko shkatërron me poker Juventusin

Miqësorja mes Juventusit dhe Atletikos së Madridit u mbyll me fitoren e pastër 3-0 të skuadrës spanjolle.

Bardhezinjtë u ndëshkuan në këtë ndeshje nga ish-i, Alvaro Morata, që shënoi plot tre herë në portën e italianëve.

Ishte thjesht një testim për dy skuadrat, por testimi u mor shumë seriozisht nga të dy trajnerët që hodhën në fushë lojtarët më të mirë që kanë në dispozicion që prej minutës së parë.

Allegri zgjodhi 4-5-1, me dyshen Bonuçi-Bremer në qendër të mbrojtjes, Danila e Alex Sandro në krahë, në mesfushë u rreshtuan Di Maria, Zakaria, Locatelli, Fagiolli dhe Soule, ndërsa në sulm Vlahoviç ishte i vetëm.

Simeone nga ana tjetër zgjodhi skemën 3-4-2-1, me Moratan si pykë dhe Joao Felix e Llorente si mbështetës.

Morata gjeti golin që në minutën e 10-të. Në minutën e 40-të, Joao Felix humbet një penallti, ndërsa tre minuta më vonë sërish Morata vulos avantazhin 2-0 në pjesën e parë.

Për të kompletuar formën e mirë që po kalon, Morata gjeti edhe golin e tretë në minutën e 62-të. Në minutën e 92, Matheus Cunha shënoi të katërtin.

Golat provuan se dyshoja e qendërmbrojtjes, Bonuçi-Bremer ka nevojë ende për ‘kolaudim’.

Ndërkohë, në mesfushën e Juventusit u shfaqën problematikat e sezonit të kaluar. E mbipopulluar me pesë lojtarë ajo dështoi si në fazën mbrojtëse, ashtu edhe në atë sulmuese, duke prodhuar një ndeshje pa vizion.


Në përputhje me standarded JTI

Video

SHIKO KANALIN NE YOUTUBE
×