KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Çfarë turpi!”, shtypi gjerman kryqëzon kombëtaren dhe trajnerin për dështimin: Nuk është më një skuadër

2 December 2022, 17:24Sport SHKRUAR NGA REDAKSIA VOX
“Çfarë turpi!”, shtypi gjerman kryqëzon
Trajneri Hansi Flick

Me titullin “Futbolli gjerman duhet të heqë dorë nga të gënjyerit e vetvetes”, ‘Die Welt’ i jep një shuplakë të fortë kombëtares pas eliminimit të dytë radhazi që në fazën e grupeve të një Botërori. “Gjermania nuk është më një skuadër. Duhen ndryshime thelbësore për të dalë nga ky makth”, – shton më tej kjo gazetë.

Mediat e tjera gjermane kanë gjithashtu një ton të ashpër. Dy gazeta mbështesin idenë se në Katar u pa fundi i një cikli. Sipas ‘FAZ’ “gjërat vetëm janë përkeqësuar pas fitimit të Kupës së Botës në vitin 2014. Rikthimi në majë të botës është vetëm një iluzion për këtë skuadër”.

“Çfarë turpi! Jemi jashtë!” – shkruan ‘Bild’, duke folur për “fundin e një kombëtareje të madhe futbolli”. Po ashtu, kjo media evidenton edhe vendimin milimetrik ekstremisht kontrovers në ndeshjen mes Japonisë dhe Spanjës, duke iu referuar golit të dytë të aziatikëve.

“Ka mundësi që Spanja nuk dha maksimumin në pjesën e dytë për të barazuar, sepse preferoi të kalojë si e dyta e grupit”, – është dyshimi që ngre kjo gazetë. Të tjera media përqendrohen më shumë në aspektet teknike, duke nisur nga loja aspak brilante në fushë.

‘Sueddeutsche Zeitung’ e përshkruan lojën e Gjermanisë si “rezultat të një konfuzioni të madh”. Për ’Der Spiegel’, dështimi në Doha erdhi për faj të “mungesës së efiçencës”, si dhe për faj të “vendimeve të gabuara të trajnerit”.

Trajneri Hansi Flick, pas eliminimit të Gjermanisë u shpreh se nuk ishte momenti për të dhënë dorëheqjen.

Polemika tjetër: E dinin që do eliminoheshin, fluturimi i prenotuar që para ndeshjes me Kosta Rikën

Ndërkohë, polemika të reja kanë shpërthyer me një detaj, në dukje i vogël, por shumë sinjifikativ. E këtu përfshihet edhe Federata e Futbollit, sa për të treguar kaosin që po përjetojnë gjermanët. Sipas Sport1, në fakt, DFB e kishte rezervuar fluturimin e kthimit të skuadrës për sot. Dhe e kishte bërë para se të luante kundër Kosta Rikës. Ky është një konfirmim indirekt, një shenjë e dorëheqjes së ambientit edhe para se të luheshin shanset në ndeshjen e fundit të grupit E.

Polemikat mënjanë, nga ana tjetër, është normale që makineria organizative e një kombëtare si Gjermania, të lëvizë në avancë në ngjarje të tilla. Kështu, rezervimi i fluturimeve dhe akomodimi bëhet shumë përpara. Në rast se do të shkohej në 1/8, plani i ri i përshtatur për qëndrimin në Katar, ndoshta do të ishte gjithashtu gati.


Në përputhje me standarded JTI

Video

SHIKO KANALIN NE YOUTUBE
×