KOMENT nga I GJATI / Do të zgjidhësh një problem? Mos kërko zgjidhjen, por zhduk problemin!

 Kliko këtu për të tjera
Voxpress:

E trishtë/ Ndërron jetë ish-futbollisti shqiptar, një vit më parë u shua edhe babai i tij legjendë e sportit

28 Qershor 2025, 11:57Sport SHKRUAR NGA REDAKSIA VOX
Skenderbeu

Sporti shqiptar është në zi pas ndarjes nga jeta të ish-futbollistit të njohur Albano Vaso, në moshën 56-vjeçare. Lajmi vjen vetëm një vit pas humbjes së babait të tij, legjendës së Kombëtares dhe Skënderbeut, Teodor Vaso.

Albano Vaso ishte një figurë e respektuar në futbollin korçar, ku dha një kontribut të rëndësishëm për ekipin e Skënderbeut dhe ishte i njohur për karakterin e tij sportiv e qytetar. Ai gëzonte vlerësim të gjerë në komunitetin sportiv.

Babai i tij, Teodor Vaso, ka mbetur një nga emrat më të spikatur të historisë së Kombëtares shqiptare. Një nga momentet më të paharrueshme të karrierës së tij ishte në vitin 1967, kur luajti për 30 minuta me këmbë të dëmtuar kundër Republikës Federale Gjermane, një simbol i përkushtimit dhe sakrificës për fanellën kuqezi.

Ndarja nga jeta e dy brezave të kësaj familjeje brenda një viti është një humbje e thellë për futbollin shqiptar dhe për qytetin e Korçës. Kujtimi i tyre do të mbetet i gjallë ndër breza si shembull përkushtimi dhe pasioni për sportin.

Ngushëllime familjes, miqve dhe gjithë komunitetit sportiv.

E trishtë/ Ndërron jetë ish-futbollisti shqiptar, një vit
Albano Vaso

Video

SHIKO KANALIN NE YOUTUBE
×