Dikur një klub dinjitoz, ekipi europian ka MINUS 15 pikë dhe rrezikon të bie në ligën e tretë

Komiteti i licencimit i shoqatës holandeze të futbollit KNVB ka dënuar ekipin e Vitesse me një zbritje prej 21 pikësh. Klubit të futbollit të Arnhem iu dha ky sanksion sepse ata thyen rregullat e licencimit në katër raste në muajt e fundit, tha shoqata të enjten.

Numri i pikëve të ekipit tani është në -15 në total, dhe rrezikon të shkojë në ligën e tretë. Vitesse-s i ishte dhënë tashmë një zbritje prej gjashtë pikësh këtë sezon dhe tani janë të rrënjosur fort në vendin e fundit të divizionit të dytë holandez, Keuken Kampioen Divisie, emri i sponsorizuar i Eerste Divisie.

Ata ranë në atë divizion sezonin e kaluar nga Eredivisie, liga më e mirë e vendit.

KNVB pretendon se Vitesse ka paraqitur raporte financiare jo të plota dhe të vonuara për një periudhë më të gjatë. Kjo ka të bëjë me llogaritë vjetore të sezonit 2022-2023, parashikimin, shifrat gjashtëmujore, llogaritë vjetore të sezonit të kaluar 2023-2024 dhe parashikimin për sezonin aktual.

Ekipi është ende në pronësi të oligarkut rus Valerij Oyf dhe dikur quhej "Chelsea B" për shkak të lidhjeve të ngushta që kishte me klubin londinez kur ai ishte në pronësi të Roman Abramovich. Disa lojtarë të profilit të lartë të Chelseat, duke përfshirë Nemanja Matic dhe Mason Mount, kaluan periudha të huazuara në Arnhem.

Klubi më herët ka deklaruar se nuk do e apelojë vendimin, dhe se i është mirënjohës Komitetit që i dha një shans për të mos u shpërbërë plotësisht.