Satelitët "Albania 1" dhe "Albania 2", firmoset kontrata 6 milionë dollarë

Albania 1 dhe Albania 2 shumë shpejt do të jenë në hapësirë, sipas ministrit të Mbrojtjes Niko Peleshi.

Satelitët do të shërbejnë për monitorimin e territorit të Shqipërisë, si dhe ofrimin e produkteve të imazherisë

"Sot do nënshkruhet kontrata e shërbimit satelitor në fushën e mbrojtës dhe teknologjisë. Kontrata ka vlerën 6 milionë dollarë.

Konstiton në përdorimin e dy satelitëve për monitorimin e territorit të Shqipërisë, si dhe ofrimin e produkteve të imazherisë.

Shqipëria do të ketë akses të dedikuar në dy satelitët që pritet t’i bashkohen flotës. Satelitët do të quhen Albania 1 dhe 2. Kjo do t'i mundësojë Shqipërisë marrjen e imazheve satelitore", tha ai.