ZBULIMI/ Një studim i Syçka TV konfirmon dyshimin e vjetër: Nuli nuk mbush!

 Kliko këtu për të tjera
Voxpress:

SAMITI Shqipëri–Itali/ Rama pritet me ceremoni zyrtare nga Meloni!

13 Nëntor 2025, 12:49Politikë SHKRUAR NGA REDAKSIA VOX
Edi Rama

Kryeministri Edi Rama u prit mesditën e sotme me ceremoni zyrtare në Romë nga homologia e tij italiane Giorgia Meloni.

Vizita e Ramës në Romë vjen në kuadër të Samitit të parë Ndërqeveritar Itali-Shqipëri.

Sot për herë të pare do të mbahet mbledhja e  përbashkët mes qeverisë shqiptare dhe asaj italiane në Romë, mbledhje e cila shënon dhe nivelin më të lartë të bashkëpunimit mes dy shteteve.

Shqipëria dhe Italia gëzojnë një numër të madh marrëveshjesh të nënshkruara apo projektesh të zhvilluara bashkërisht, në fusha si mbrojtja, shëndetësia, teknologjia, infrastrukturë, ekonomi e deri tek mbështetja për Shqipërinë drejt anëtarësimit në Bashkimin Evropian. Në vitin 2010, dy shtetet firmosën Deklaratën e Partneritetit Strategjik.

Në agjendën e ditës së enjte është parashikuar edhe shkëmbimi i Marrëveshjeve Dypalëshe dhe Memorandumeve të Mirëkuptimit.

Në fund të muajit tetor, qeveria miratoi në parim një marrëveshje bashkëpunimi me Italinë për të paktën 10 sektorë. Pikërisht kjo marrëveshje do të jetë ajo që pritet të nënshkruhet mes Kryeministrit Edi Rama dhe homologes së tij italiane Giorgia Meloni.

Mësohet se 10 ministra të Qeverisë, së bashku me Kryeministrin Edi Rama, do të udhëtojnë drejt Romës.

Rreth orës 14:00 pritet nënshkrimi i disa marrëveshjeve dhe memorandumeve në fusha si: mbrojtja dhe siguria, energjia, migracioni, mbrojtja civile, shëndetësia, mjedisi, zhvillimi ekonomik dhe infrastruktura.


Në përputhje me standarded JTI

Video

SHIKO KANALIN NE YOUTUBE
×