KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

'Që Presidenti IM të jetë YNI', Flutura Açka tregon pse mori pjesë në ceremoninë e betimit të Presidentit Begaj

25 July 2022, 11:11Politikë SHKRUAR NGA REDAKSIA VOX
'Që Presidenti IM të jetë YNI', Flutura Açka
Flutura Açka

Deputetja demokrate Flutura Açka ka marrë pjesë në ceremoninë e inaugurimit të presidentit  të ri të Republikës, Bajram Begaj, ceremoni e cila u bojkotua nga kryetari i PD-së Sali Berisha dhe një pjesë e deputetëve demokratë.

Duket se disa kolegë kanë kontaktuar për të mësuar arsyen pse të cilën e tregon përmes një reagimi në facebook. 

Postimi i Flutura Açkës:

”Që Presidenti IM të jetë YNI. Disa kolegë e miq më telefonuan të dinin arsyen e pjesëmarrjes sime në Inaugurimet e Presidentit të ri të Republikës, z. Bajram Begaj. Edhe ngaqë PD - lexo Foltorja - pakësh vendosur ta bojkotojë.

Edhe pse Presidenti Bajram Begaj u zgjodh si presidenti IM, ai është presidenti YNË. Dhe është rasti që t’i uroj mbarësi dhe t’i shpreh besimin se personaliteti i tij do ta ndihmojë të jetë president i të gjithë shqiptarëve.

Presidenti i ri, Noka: Bojkotuam instalimin e monizmit, Rama ka aq pushtete sot sa Enver Hoxha dikur
Presidenti Begaj nuk është konsensual, por legjitim, dhe si dikush që njeh dhe respekton institucionet, është në nderin tim ta duartrokas inaugurimin e tij.

Do të kisha dashur që ai ta kishte edhe votën time, por çorba politike shqiptare, tash për tash, gatuhet në kazanin e ndotur të Edi Ramës."

Ndalet për të bërë dhe dy vërejtje kreut të ri të shtetit.

Dhe që të mos jetë vetëm i Edi Ramës, ndjej nevojë t’i bëj dy vërejtje, që Predidenti YNË të mbetet i tillë deri në fund të detyrës së tij: Në fjalën e tij të parë në Parlamenti, zoti Begaj iu drejtua mē parë ministrave e më pas deputetëve. Shqipëria është republikë parlamentare dhe ministrat japin llogari në Parlament.

Në fjalën e tij të parë si president në godinën e Presidencës, zoti Begaj iu drejtua Vjosa Osmanit, si zonja Osmani. Ishte dashur të thuhej e me gojën plot: E nderuara, zonja Vjosa Osmani, Presidente e Republikës së Kosovës.

Unë mendoj se këto janë shkujdesje të patëkeq, dhe nuk dua ta besoj - siç disa mëtojnë të më bindin - se janë fjalime të prodhuara nga Agjencia e Medias dhe Informimit (qeveritar).

Nga sot, Presidenti YNË duhet të këshillohet për fjalët e tij publike me njerëz që e duan Shqipërinë më shumë se partinë. BUrime të sinqerta, z. Begaj!


Në përputhje me standarded JTI

Video

SHIKO KANALIN NE YOUTUBE
×