AJKA E JURISPRUDENCËS/ Gjykata Kushtetuese vendos: Kjo çështje s’është për ne, çojeni në Kushtetuese!

 Kliko këtu për të tjera
Voxpress:

PD vihet në lëvizje pas ankesave të Salianjit, Noka shkresë degëve lokale: Të analizohet humbja në zgjedhje

4 Dhjetor 2025, 18:39Politikë SHKRUAR NGA REDAKSIA VOX
PD, Udhëzimi

Pas nisjes së një turi takimesh nga një grup demokratësh, midis të cilëve ish-deputeti Ervin Salianji dhe Ilir Alimehmeti, Partia Demokratike është vënë në lëvizje për të kryer analizën e humbjes në zgjedhjet e 11 majit.

Udhëzimi i firmosur nga Sekretari i Përgjithshëm Flamur Noka i është shpërndarë degëve lokale në të gjithë vendin dhe u kërkohet të nisië analiza e brendshme për rezultatin që mori PD në zgjedhjet.

Një ditë më parë, Salianji dhe Alimehmeti zhvilluan një takim me strukturat e partisë dega Durrës ku gjatë fjalimeve që u mbajtën, kërkuan të bëhej një analizë e situatës në të cilën ndodhet sot PD, pas disa humbjeve radhazi në zgjedhje.

PD vihet në lëvizje pas ankesave të Salianjit, Noka shkresë
Udhëzimi i PD

Nga qyteti i Durrësit, ish-deputeti demokrat, Ervin Salianji, u shpreh se demokratët kërkojnë reagim dhe përgjigje për situatën aktuale në të cilën ndodhet sot forca më e madhe e opozitës në vend.

Salianji tha se PD nuk po mbështetet as nga demokratët dhe as nga qytetarët, si në protesta por edhe në takimet e munguara në terren.

Kurse ish-kandidati për deputet i Partisë Demokratike në listën e hapur të Tiranës, Ilir Alimehmeti, tha se sa më shpejt ta heqim këtë qeveri dhe këtë e bën vetëm e djathta që vë interesin e shqipërisë para partisë.

"Ne dimë që Balluku me një të rënë të lapsit merr 50 mln euro nga tuneli I llogarasë dhe nuk e dimë nëse është I sigurtë.
Sa më shpejt ta heqim këtë qeveri dhe këtë e bën vetëm e djathta që vë interesin e shqipërisë para partisë.

Ju e kuptuat se kjo është një frymë për të bashkuar të gjithë për ti diskutuar dhe për të bërë më të mirën e mundshme", deklaroi dje Ilir Alimehmeti gjatë takimit me demokratët në qytetin e Durrësit.


Në përputhje me standarded JTI

Video

SHIKO KANALIN NE YOUTUBE
×