KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Pagat e pushtetit vendor të jenë si ato të pushtetit qendror”, zbardhen porositë e Ramës për kryebashkiakët

9 March 2024, 15:59Politikë SHKRUAR NGA REDAKSIA VOX
“Pagat e pushtetit vendor të jenë si ato të pushtetit
Rama dhe Mazniku

Janë zbardhur detaje nga takimi i mbajtur në Shkodër këtë të shtunë mes kryeministrit Edi Rama dhe kryebashkiakëve.

Gazetari Top Channel Muhamed Veliu raporton se si çështje e parë trajtuar nga kryeministri ishte ajo e aplikimeve nga bashkitë në fondet e BE.

Për këtë kryeministri ka kërkuar bashkëpunim mes bashkive dhe Ministrisë të Pushtetit Vendor drejtuar prej Arbian Mazniku.

Ka theksuar se mbështetja në këtë proces prej pushtetit qëndror do të jetë i pakursyer, por kjo varet nga performanca e bashkive.

“Kush performon më mirë do të  ketë mbështetje nga Ministria e Financave kur shpërndan grantin e pakushtëzuar. Pra do ketë një dallim  ndryshe për ato bashki që kanë performancë  më mirë krahasuar me ato me probleme dhe ta zhytura në borxhe ndaj palëve të treta”, citohet të jetë shprehur kryeministri Edi Rama.

Si çështje të dytë kryeministri Edi Rama është ndalur në burimet njerëzore që punojnë në të gjitha bashkitë e vendit.

Është angazhuar në rishikimin e pagave duke i përafruar me ato të  atyre që punojnë në qeverisjen qendrore pasi ka një disnivel shumë të madh.

Synimi ynë citohet të ketë deklaruar kryeministri Rama është unifikimi pagave të pushtetit vendor me ato në pushtetin qendror.

Ky disnivel  pagash shikohet edhe po të krahasohet mes të punësuarve nga njëra bashki në tjetrën.

Përshembull nëse një inxhinier i punësuar në Bashkinë Durrës paguhet me 80.000 lekë, një inxhinier i punësuar në Bashkinë Fushë Krujë paguhet 40.000 lekë.

Ky nivel pagash po krijon boshllëqe dhe pamundësi rekrutimi punonjësish në të gjitha bashkitë e vendit, raporton TCH.


Në përputhje me standarded JTI

Video

SHIKO KANALIN NE YOUTUBE
×