Mbrojti Agaçin, por jo të vëllanë, Rama: Olsi të përballet me drejtësinë si gjithë të tjerët

24 Prill 2024, 19:51Politikë SHKRUAR NGA REDAKSIA VOX
Ëngjëll Agaçi, gazetari italian Sigfrido Ranucci dhe Edi Rama

Kryeministri Edi Rama ka refuzuar të komentojë akuzat e bëra nga opozita ndaj vëllait të tij, Olsi Rama si pjesë e grupit kriminal që lidhet me kokainën e kapur në Xibrakë. Akuza të cilat u raportuan edhe në reportazhin e “Report” në Rai3. E ndërsa Rama mori në mbrojtje sekretarin e përgjithshëm të Këshillit të Ministrave, Engjëll Agaçi, nuk e përmendi të vëllanë në reagimin që bëri.

I  pyetur në Report se pse nuk ka reaguar për akuzat në RAI ndaj Olsi Ramës, kryeministri u shpreh se kjo është një çështje personale dhe ndaj nuk ka reaguar. Rama tha se vëllai i tij ka kapacitetin për t’u përballur vetë me drejtësinë dhe se çështja ndaj tij, i takon Prokurorisë së Posaçme.

“Sepse nuk është një çështje personale dhe nuk kam reaguar për çështjen e tim vëllai dhe këtu në Shqipëri. Vëllai ka gjithë kapacitetin që të përballet si gjithë të tjerë. Është një çështje që i takon SPAK të vendosë se kush është fajtori në këtë. Natyrisht aty ka një pjesë tjetër që lidhet me mua dhe për atë pjesë është padia numër 22 e imja për këta shqiptarë që janë mbartës të atij mallkimi që ka Shqipëria që nga 1912, që kanë qenë armiqtë më të mëdhenj për një progres në Shqipëri”, tha Rama.

Video