E ÇUDITSHME/ Raporti: Qeveria shqiptare këmbëngul të krihet edhe kur vendi nuk digjet!

 Kliko këtu për të tjera
Voxpress:

Kur do certifikohen rezultatet e zgjedhjeve të 11 majit? Flet anëtari i KAS

4 Korrik 2025, 19:12Politikë SHKRUAR NGA REDAKSIA VOX
Pamje nga procesi i rinumërimit të votave

Ditën e sotme po kryhet procesi i rinumërimit të votave të zgjedhjeve parlamentare të 11 majit për qarkun Durrës.

Anëtari i Komisionit të Ankimimeve dhe Sanksioneve, Ledio Braho, në një intervistë televizive është shprehur se pritet që ky proces rinumërimi për Durrësit, të përfundojë sot.

“Besoj se ditën e sotme përfundojmë me rinumërimin e qarkut të Durrësit. Siç e thashë, ditën e hënë kemi caktuar katër seanca për katër qarqet e fundit”, tha ai.

Lidhur me certifikimin e rezultateve të zgjedhjeve të 11 majit, sipas Brahos, pritet që një gjë e tillë të ndodhë deri në fund të muajit korrik.

“Besoj, se ditën e hënë, do të mbyllen me vendimmarrje të KAS-it këto katër qarqe. Pastaj, në varësi të procedurave, nëse do të vijohet me Kolegjin Zgjedhor, apo jo, unë besoj se do të vijohet, siç u vijua me qarqet e tjera. Kështu që, besoj se deri në fund të muajit korrik mund të ketë një certifikim të rezultateve, nëse nuk do gjendemi në kushtet e një pavlefshmërie në një nga këto katër qarqet e mbetura”, tha ai.


Në përputhje me standarded JTI

Video

SHIKO KANALIN NE YOUTUBE
×