ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kompania "i vë kazmën" parkut në zemër të Tiranës, Lëvizja Bashkë: Të përfshirë edhe dordolecët politikë, Berisha e Meta

12 August 2023, 18:29Politikë SHKRUAR NGA REDAKSIA VOX
Kompania "i vë kazmën" parkut në zemër të
Shkatërrimi i parkut në Tiranë


Ka nisur sot shkatërrimi i një prej parqeve të pakëta të Tiranës, ai pas Teatrit të Operas dhe Baletit, për t'i hapur rrugë ndërtimit të një kulle 65-katëshe të lartë.

Lëvizja Bashkë, që e ka protestuar këtë projekt prej disa ditësh tashmë, thotë se të gjitha palët e politikës janë të përfshira në investimin mbi 100 milionë dollarësh që pritet të bëhet aty.

"Më tutje Sali Berisha e Ilir Meta, dordolecë politikë pa zë e pa karakter, të blerë nga Rama dhe okigarkët që e rrethojnë", shkruan Lëvizja Bashkë në rrjetet sociale.

Ata shprehen se ka ende shpresë për mbrojtjen e parkut dhe ndalimin e ndërtimit të kësaj kulle.

Mesazhi i Lëvizjes Bashkë:

BARBARËT KANË NISUR PRISHJEN E PARKUT

Mbrëmë fadromat e kompanisë Nova Construction kanë nisur prishjen e parkut pas Teatrit Kombëtar të Operës dhe Baletit. Fill pas hakërrimit të Ramës, që i dilte për zot krimit ndaj qytetit, nisi prerja e pemëve dhe përgatitja e truallit për të ngritur përbindëshin më të lartë në qendër të Tiranës.

Nuk duhet të harrojmë për asnjë çast se pas këtij uzurpimi dhe shkatërrimi është i përfshirë krejt sistemi i vjetër politik. Në radhë të parë Edi Rama dhe Erion Veliaj, bashkautorë të sa e sa krimeve ndaj qytetit. Më tutje Sali Berisha e Ilir Meta, dordolecë politikë pa zë e pa karakter, të blerë nga Rama dhe okigarkët që e rrethojnë.

Mbrojtja e parkut është ende e mundur. Lëvizja BASHKË do të vazhdojë ta ngrejë zërin e protestës dhe do të thërrasë në krah të saj të gjithë qytetarët, jeta e të cilëve po bëhet e padurueshme nga zaptimi i hapësirës publike, zhdukja e parqeve, ndotja e ajrit, kapja e shtetit dhe kriminalizimi i ekonomisë.

Në Shqipëri nuk mund të ketë vend edhe për qytetarët, edhe për krimin e organizuar. O do të fitojmë ne dhe krimi do të kthehet në gjirize, o do të fitojnë ata dhe ne do të marrim gomonet.
Rrugë tjetër s'ka!


Në përputhje me standarded JTI

Video

SHIKO KANALIN NE YOUTUBE
×