KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Emëruan diplomate gruan e kreut të një bande droge? Reagon Ministria e Jashtme: Na rezulton e pamartuar

13 April 2023, 20:23Politikë SHKRUAR NGA REDAKSIA VOX
Emëruan diplomate gruan e kreut të një bande droge? Reagon
Olta Xhaçka

Ministria për Evropën dhe Punët e Jashtme ka reaguar pas denoncimit të PD-së, ku pretendonte se zonja Juna Harka është emëruar Sekretare e Dytë në Konsullatën shqiptare në Stamboll dhe se ishte paraqitur me pasaportë diplomatike, ndërkohë që ajo nuk ka punuar as edhe një ditë në diplomaci dhe se është bashkëshortja e shtetasit turk Ramazan Keski, kreu i një organizate kriminale aktive në narko-trafik, të cilit SPAK i ka sekuestruar pronat në Shqipëri.

Në një reagim për mediat, MEPJ thotë se Juna Harka është emëruar diplomate në bazë të ligjit dhe se i plotëson të gjitha kushtet. Por, sipas MEPJ, në certifikatën familje ajo rezulton e pamartuar. 

Pavarësisht dokumentit të publikuar nga PD, MEPJ thotë më tej se Juna Harka nuk e ka marrë detyrën, pasi gjatë kësaj periudhe ka qenë në proces verifikimi, dhe se nuk ka qenë ndonjëherë e pajisur me pasaportë diplomatike, pavarësisht pretendimeve nga PD.

Në reagim thuhet se Juna Harka i ka kërkuar Drejtorisë së Burimeve Njerëzore në MEPJ të tërhiqet, për arsye personale dhe se tashmë nuk është më në atë detyrë.

Reagimi i plotë:

"MEPJ garanton qytetarët e Republikës së Shqipërisë që do të vijojë të zbatojë ligjin. Nisur nga akuzat e bëra sot në drejtim të Ministrisë për Evropën dhe Punët e Jashtme mbi emërimin e shtetases Juna Harka, sqarojmë se emërimi është bërë bazuar në ligjin nr 23/2015, “Për shërbimin e jashtëm të Republikës së Shqipërisë”, neni 31, pika 3, që parashikon emërimin për nevoja të veçanta diplomatike të ekspertëve jashtë shërbimit të jashtëm, të cilët zotërojnë njohuri dhe ekspertizë, sipas specifikave të pozicionit të emërimit.

Për dijeni të opinionit publik, në jetëshkrimin e paraqitur pranë MEPJ rezulton se shtetasja në fjalë plotëson të gjitha kushtet. Ajo ka përfunduar studimet e larta jashtë vendit për marrëdhënie ndërkombëtare, zotëron tre mastera dhe ka një përvojë të gjerë në mësimdhënie, gazetari dhe botën akademike. Për më tepër znj. Harka, e cila është lindur e rritur në familje diplomatësh zotëron shkëlqyer katër gjuhë të huaja, ndër të cilat gjuhën turke.

Bazuar mbi këto kritere e cilësi është bërë fillimisht emërimi i saj në Konsullatën e Përgjithshme të RSH në Stamboll. Në kuadër të transparencës dëshirojmë të nënvizojmë faktin se në dokumentat zyrtarë (çertifikatë familjare) znj. Harka rezulton e pamartuar.

Pas emërimit, ajo nuk e ka marrë detyrën, pasi gjatë kësaj periudhe ka qenë në proces verifikimi, në përputhje me ligjin. Informojmë se gjatë këtij procesi verifikimi,  znj. Harka i ka kërkuar Drejtorisë së Burimeve Njerëzore në MEPJ të tërhiqet, për arsye personale.

Edhe njëherë konfirmojmë se shtetësja Juna Harka nuk ka shërbyer asnjë ditë në Shërbimin e Jashtëm të Republikës së Shqipërisë, nuk ka pasaportë diplomatike dhe nuk ka gëzuar për asnjë moment imunitetet dhe privilegjet që të jep statusi i diplomatit. Rrjedhimisht nuk ka patur asnjë komunikim me autoritetet turke për këtë emërim.

Faktet e mësipërme dëshmojnë se gjithçka që i është servirur sot opinionit publik vetëm për arsye politike janë akuza të pabaza dhe  keqinformim. MEPJ garanton qytetarët e Republikës së Shqipërisë që do të vijojë të zbatojë ligjin."


Në përputhje me standarded JTI

Video

SHIKO KANALIN NE YOUTUBE
×