ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Bardhi: Balluku për korrupsion injoron banorët e Roskovecit, miratoi në fshehtësi ndërtimin e termocentralit

19 December 2024, 18:49Politikë SHKRUAR NGA REDAKSIA VOX
Bardhi: Balluku për korrupsion injoron banorët e Roskovecit, miratoi
Gazment Bardhi

Kreu i Grupit Parlamentar të PD-së, Gazment Bardhi, denoncoi sot në Kuvend vendimin e qeverisë për ndërtimin e termocentralit në Roskovec, të iniciuar nga ministrja e Infrastrukturës dhe Energjisë Belinda Balluku.

Sipas Bardhit, ky vendim është marrë në mungesë të plotë transparence dhe pa dëgjuar shqetësimet e banorëve të zonës ku Balluku është deleguar si drejtuese politike e Partisë Socialiste.

"Dolën dje dy ministra dhe raportuan për vendimet që kishte miratuar në datën 18 dhjetor Këshilli i Ministrave dhe i vetmi vendim që nuk u raportua ishte kjo vendimmarrje e fshehtë, pa asnjë transparencë dhe pa asnjë konsultim me banorët për ndërtimin e një termocentrali në një zonë të banuar."

Duke u ndalur te pasojat që sjell në mjedis, ndikimin te produktet bujqësore dhe shëndetin e banorëve të zonës, Bardhi theksoi kundërshtinë dhe protestat e vazhdueshme të qytetarëve ndaj këtij projekti.

"Kolegët që janë këtu nga qarku i Fierit e dinë shumë mirë që bëhet fjalë për një zonë nga më punëtore në Republikën e Shqipërisë. Një zonë që ka 700 hektarë me sera të ndërtuara me djersë dhe mund. Dhe papritur ata mësojnë se në mes të fshatit do t'iu ndërtohet një termocentral me pasoja të dëmshme në mjedis, produktet bujqësore, shëndetin dhe jetën e banorëve të zonës duke vënë në pikëpyetje të ardhmen e tyre dhe të fëmijëve të tyre", u shpreh Bardhi.

Bardhi i bëri thirrje Ballukut që të shkojë t'i dëgjojë banorët e zonës dhe t'u japë llogari.


Në përputhje me standarded JTI

Video

SHIKO KANALIN NE YOUTUBE
×