Miku i Kanye West, John Legend: Ai nisi të degradojë që pasi i vdiq nëna

Këngëtari amerikan John Legend ka pohuar se vdekja e nënës së Kanye West në vitin 2007 shkaktoi "degradimin" e reperit kontrovers.

Këngëtari i "Ordinary People" detajoi marrëdhënien e tij me West, e cila daton që nga fillimi i karrierës së tij muzikore, në një intervistë me The Times.

46-vjeçari, emri i vërtetë i të cilit është John Stephens, nënshkroi një kontratë diskografike me shtëpinë diskografike GOOD Music të Kanye West në vitin 2004 dhe e kujtoi me dashuri atë periudhë në jetën e yllit.

"Ai kishte kaq shumë optimizëm, kaq shumë kreativitet", tha Legend. "Është e trishtueshme, ndonjëherë tronditëse, të shohësh se ku është ai tani."

Duke komentuar pikëpamjet e West mbi judaizmin dhe Adolf Hitlerin, Legend tha: "Nuk pashë asnjë shenjë të asaj që po shohim tani, obsesionet e tij me antisemitizmin, anti-zezakët, dhe është e trishtueshme të shohësh degradimin e tij."

Kur u pyet se çfarë mund ta ketë shkaktuar këtë rënie, Legend u përgjigj: “Nuk mendoj se jemi të kualifikuar për ta psikoanalizuar atë, por pasi nëna e tij vdiq në vitin 2007, padyshim që pati një ndryshim. Rënia e tij filloi atëherë dhe duket se është përshpejtuar kohët e fundit.”