ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Tragjedia me 66 viktima në Turqi, Erdogan shpall zi kombëtare: Ata që shkaktuan këtë fatkeqësi do të mbajnë përgjegjësi

21 January 2025, 18:25Kosova&Bota SHKRUAR NGA REDAKSIA VOX
Tragjedia me 66 viktima në Turqi, Erdogan shpall zi kombëtare: Ata
Resorti i djegur

Presidenti turk, Rexhep Tajip Erdogan shpalli zi kombëtare 24 orë pas tragjedisë me 66 të vdekur dhe 51 të plagosur si pasojë e zjarrit në resortin e skive Kartalkaya në provincën Bolu në veri të Turqisë.

Në deklaratat e tij pas mbledhjes së Këshillit të Ministrave në Ankara, presidenti turk deklaroi se ka nisur një hetim gjyqësor dhe administrativ për shkaqet e zjarrit.

Ai po ashtu sqaroi se për këtë janë caktuar gjashtë prokurorë, dy inspektorë të Administratës Publike, katër inspektorë të Ministrisë së Punës dhe një komision prej pesë anëtarësh ekspertësh.

Në vendngjarje kanë shkuar edhe katër ministra të qeverisë.

“Në fazën e parë u arrestuan katër persona, mes të cilëve edhe pronari i biznesit ku ndodhi tragjedia. E them qartë dhe pa mëdyshje njëherë e përgjithmonë: Ata që shkaktuan një fatkeqësi të tillë, ata që treguan neglizhencë dhe faj, do të mbajnë përgjegjësi para ligjit”, tha Erdogan.

Tragjedia me 66 viktima në Turqi, Erdogan shpall zi kombëtare: Ata

Zjarri që rreth orës 03:30 të mesnatës në resortin e skive në Bolu nisi fillimisht në restorantin e hotelit me konstruksion druri dhe u përhap me shpejtësi në ndërtesën 12-katëshe.

Në hotel po qëndronin 237 persona në momentin që ra zjarri.

Ekipet zjarrfikëse u angazhuan fillimisht për evakuimin e turistëve dhe më pas nisën punën për shuarjen e flakëve.

Shkaku i zjarrit ende nuk dihet, teksa ngjarja është nën hetim.


Në përputhje me standarded JTI

Video

SHIKO KANALIN NE YOUTUBE
×