ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Pse Erdoganit iu fik mikrofoni gjatë fjalimit në OKB?

23 September 2025, 18:18Kosova&Bota SHKRUAR NGA REDAKSIA VOX
Pse Erdoganit iu fik mikrofoni gjatë fjalimit në OKB?
Rexhep Tajip Erdogan

Një e papritur ndodhi në sallën e madhe të OKB teksa në foltore po fliste presidenti turk Rexhep Tajip Erdogan. Në kulmin e denoncimit nga ana e tij të gjenocidit izraelit në Gaza, ndodhi një ndërprerje fonike, pra mosfunksionim i mikrofonit, duke e lënë liderin turk vetëm me mimikën e tij.

Kjo ndërprerje në audio është quajtur “sabotim i qëllimshëm” nga disa media turke.

Por sipas Drejtorisë së Komunikimeve të Turqisë, është fjala për një fikje automatike, siç thuhet në një deklaratë të saj.

“Fjalimet e krerëve të shteteve dhe qeverive kanë një kohëzgjatje prej pesë minutash, ndërsa folësit e tjerë kanë tre minuta”, u theksua.

Siç raporton TRT, duke vënë në dukje se, si për udhëheqësit e tjerë të shteteve, edhe për Presidentin Erdogan kufiri ishte pesë minuta brenda këtij kuadri, drejtoria tha: “Nuk është e vërtetë që Presidentit nuk iu lejua të fliste ose që fjalët e tij u ndërprenë gjatë fjalimit.”

Drejtoria informoi se pati ndërprerje vetëm për shkak të duartrokitjeve në disa momente kur Presidenti Erdogan po fliste, dhe sqaroi më tej se mikrofoni u fik automatikisht në fund të minutës së pestë, sipas procedurave teknike.

“Më pas, Presidenti e përfundoi fjalimin pak çaste më vonë. Në mënyrë të ngjashme, edhe mikrofoni i Presidentit të Indonezisë u fik në përputhje me të njëjtën procedurë”, u shtua më tej, sipas TRT-së.


Në përputhje me standarded JTI

Video

SHIKO KANALIN NE YOUTUBE
×