ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Lladrovci: Kosova nuk ju pëlqen disave me mentalitet kolonisti, por jeta në paqe është dëshirë e çdo qytetari

5 November 2022, 17:25Kosova&Bota SHKRUAR NGA REDAKSIA VOX

 

Lladrovci: Kosova nuk ju pëlqen disave me mentalitet kolonisti, por jeta
Kryetari i komunës së Drenasit, Ramiz Lladrovci

 

Kryetari i komunës së Drenasit, Ramiz Lladrovci, ka reaguar pas largimit të serbëve nga institucionet e Kosovës.

Në një postim në rrjetet sociale, Lladrovci ka shkruar se "e kuptueshme se shteti i tyre nuk ju pëlqen disave që kanë mentalitet kolonisti, por, jeta në paqe është dëshirë e çdo qytetari në Kosovë".

Postimi i Lladrovcit:

Largimi nga institucionet i serbëve, është lajm jo i mirë për shtetin që po ndërtojmë.

Forcimin e shtetit dhe shtetësisë së Kosovës e kanë detyrim të gjithë qytetarët pa arrogancë dhe pa inate. Serbët në Kosovë kanë të drejta më shumë se çdo minoritet në Evropë, por, duke i njohur, kjo nuk ju mjafton.

E kuptueshme se shteti ynë nuk ju pëlqen disave që kanë mentalitet kolonisti, por, jeta në paqe është dëshirë e çdo qytetari në Kosovë.

Çlirimi i Kosovës solli vlera të cilat janë të qëndrueshme dhe të dëshmuara, sikur miqësia me ShBA-në dhe Bashkimin Evropian. Nuk do të jetë mirë për shtetin dhe shtetësinë tonë çfarëdo dileme për aleancat dhe vlerat e shtetit tonë.

Kushdo që mendon se shteti serb me vullnet u tërhoq nga Kosova, duhet ta dijë se nuk ishte ashtu. Ata u tërhoqën nga ballafaqimi në beteja dhe luftën tonë çlirimtare dhe aleancën e UÇK-së me NATO-n.

Ishte traditë që qeverisja më e re të ishte më e mirë se qeverisja paraprake, do të duhej të ishte edhe më largpamëse.

Fundja, buka marohet me miellin që ke në magje dhe politika duhet ta ketë vëmendjen për magjen e miellin!


Në përputhje me standarded JTI

Video

SHIKO KANALIN NE YOUTUBE
×