KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Kemi urdhër për ndalimin tuaj", këshilltarja e Kurtit nuk lejohet të hyjë në Serbi

7 August 2023, 20:09Kosova&Bota SHKRUAR NGA REDAKSIA VOX
"Kemi urdhër për ndalimin tuaj", këshilltarja e Kurtit
Kryeministri i Kosovës Albin Kurti dhe këshilltarja e tij, Ardita Sinani

Këshilltarja kryeministrit të Kosovës, Albin Kurti, për Preshevë, Medvegjë dhe Bujanoc, Ardita Sinani, ka denoncuar një incident me policinë serbe në kufi.

Ajo shkruan shqetësimin e saj në rrjete sociale ku thotë se për një orë është ndaluar nga policia kufitare serbe.

Këshilltarja e kryeministrit të Kosovës, thotë se ndalimi nga policia serbe u argumentua si urdhër që kishin marrë nga baza dhe pa marrë aprovimin e tyre nuk mund të kalonte.

Reagimi i Sinanit:

Sot, rreth orës 10:00 në vendkalimin kufitar me Republikën e Kosovës, në Muçibabë, jam ndaluar nga policia kufitare serbe për mbi një orë.

Arsyetimi i vetëm që mu dha nga policët kufitarë të Serbisë “Kemi urdhër për ndalimin tuaj dhe nuk mund të të lejojmë ta kalosh kufirin pa marrë pëlqim nga baza”.

Asnjë sqarim shtesë për arsyen, apo se kush është baza që duhet pyetur dhe marrë leje për të kaluar kufirin.

Kjo mbase mund të jetë kostoja e të qenurit Këshilltare Politike e Kryeministrit të Republikës së Kosovës, por sigurisht nuk do të jet mjeti me të cilin do të heshtet zëri për të drejtat e shqiptarëve të Luginës së Preshevës.

Ky rast, sigurisht do të jetë vetëm shtytje edhe më e madhe për të folur me zë edhe më të lartë për diskriminimin shtetërorë serb ndaj shqiptarëve.

E ndalimi nga policia në kufi, është vetëm njëra ndër to, e që është edhe metodë e vjetër politike e shtypjes e etërve politik të udhëheqësve aktual të Serbisë.


Në përputhje me standarded JTI

Video

SHIKO KANALIN NE YOUTUBE
×