KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Bruce Willis e mohon: Nuk kam shitur të drejtat e imazhit tim

2 October 2022, 15:24Lifestyle SHKRUAR NGA REDAKSIA VOX
Bruce Willis e mohon: Nuk kam shitur të drejtat e imazhit tim
Bruce Willis

Agjenti i Bruce Willis ka mohuar raportimet se ylli i filmit ka shitur të drejtat për imazhin e tij.

Javën e kaluar, u raportua gjerësisht se Willis, në marrëveshjen e parë të këtij lloji, ia kishte shitur imazhin një kompanie të quajtur Deepcake.

Megjithatë, një zëdhënës i aktorit i tha BBC-së se ai nuk kishte “asnjë partneritet apo marrëveshje” me kompaninë dhe një përfaqësues i Deepcake tha se vetëm Willis kishte të drejtat për këtë.

Willis njoftoi tërheqjen e tij nga aktrimi në mars pasi u diagnostikua me afazi, një çrregullim që ndikon në të folur.

‘Deepfakes’ përdorin inteligjencën artificiale (AI) dhe teknologjinë e të mësuarit të makinerive për të krijuar video realistem shpesh të të famshëmve, ose politikanëve. Për aktorët që nuk mund të aktrojnë më teknologjia ka potencialin të ndryshojë lojën.

Më 27 shtator, Daily Mail raportoi se një marrëveshje ishte arritur midis Ëillis dhe Deepcake.

“Dy herë fituesi i Emmy-t Bruce Willis mund të shfaqet ende në filma pasi ka shitur të drejtat e tij të imazhit për Deepcake”, thuhet në artikull.

Lajmi është marrë nga Telegrafi dhe një sërë mediash të tjera.

"Bruce Willis është bërë ylli i parë i Hollivudit që ka shitur të drejtat e tij për të lejuar krijimin e një "binjaku dixhital" të tij për t'u përdorur në ekran", ka thënë Telegrafi.

Por nuk duket se është kështu.

Ajo që është e vërtetë është se një “deepfake” e Bruce Willis u përdor për të krijuar një reklamë për Megafon, një kompani ruse e telekomunikacionit, vitin e kaluar.


Në përputhje me standarded JTI

Video

SHIKO KANALIN NE YOUTUBE
×