KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

OKB, tre vendet që abstenuan në rezolutën e Shqipërisë kundër Rusisë

26 February 2022, 12:53Fokus SHKRUAR NGA REDAKSIA VOX

OKB, tre vendet që abstenuan në rezolutën e Shqipërisë

Rusia ishte i vetmi vend anëtar i Këshillit të Sigurimit të OKB që kundërshtoi rezolutën e paraqitur nga Shqipëria dhe SHBA kundër luftës në Ukrainë.

11 vende të këtij Këshilli votuan pro rezolutës, ndërsa tre të tjera abstenuan. Vendet që abstenuan ishin India, Emiratet e Bashkuara Arabe dhe Kina.

Ndërkohë, Ambasadori i Shqipërisë në OKB, Ferit Hoxha thotë se dokumenti që dënon agresonin rus dhe bën thirrje që Moska të tërhiqet dhe njohë kufijtë ndërkombëtarë të para 2014-s të Ukrainës do të kalojë për miratim në Asamblenë e Përgjithshme të OKB-së, që mund të thirret në një sesion të jashtëzakonshëm.

“11 anëtarë të Këshillit të Sigurimit votuan në favor të rezolutës së propozuar nga Shqipëria dhe SHBA për t’i dhënë fund agresioni rus në Ukrainë. Rusia ishte e vetme. 81 vende anëtare të OKB bashkësponsorizojnë tekstin. Çështja do të transferohet në Asamblenë e Përgjithshme të OKB-së”, shkruan ai.

Vendet e Këshillit të Sigurimit që votuan pro rezolutës ishin Shqipëria, SHBA, Britania e Madhe, Franca, Brazili, Gaboni, Gana, Irlanda, Kenia, Meksika dhe Norvegjia.

 


Në përputhje me standarded JTI

Video

SHIKO KANALIN NE YOUTUBE
×