MREKULLIA/ Emailet me perversitetet e Epsteinit rikthejnë tek shqiptarët dëshirën për të lexuar!

 Kliko këtu për të tjera
Voxpress:

Shqipëria do të ketë bankën e parë digjitale, JET Bank merr dritën jeshile për të hyrë në treg

3 Dhjetor 2025, 19:50Biznes SHKRUAR NGA REDAKSIA VOX
Foto ilustruese

Këshilli Mbikëqyrës i Bankës së Shqipërisë i ka hapur rrugën licencimit të JET Bank, institucionit që synon të bëhet banka e parë plotësisht digjitale në vend.

Vendimi i sotëm i Këshillit jep miratimin paraprak për licencimin e saj, një hap kyç që i mundëson subjektit të nisë përgatitjet për operimin në tregun bankar shqiptar.

Sipas njoftimit, JET Bank parashikohet të funksionojë si një bankë e ndërtuar mbi teknologji të avancuar dhe me një model tërësisht të digjitalizuar, të fokusuar te thjeshtësia, siguria dhe përvoja e klientit.

Misioni i saj është të sjellë një qasje të re në shërbimet financiare, larg formateve tradicionale dhe me synimin për të modernizuar mënyrën se si qytetarët dhe bizneset ndërveprojnë me bankat.

Procesi i licencimit zhvillohet në dy faza, siç përcakton ligji “Për bankat në Republikën e Shqipërisë”: miratimi paraprak dhe më pas dhënia e licencës përfundimtare.

Pas marrjes së miratimit paraprak, JET Bank ka afat deri në 12 muaj për të plotësuar të gjitha kërkesat ligjore dhe rregullatore, nga derdhja e kapitalit, te ngritja e infrastrukturës teknike dhe organizative.

JET Bank është subjekti i dytë që merr miratimin paraprak për të hyrë në tregun bankar shqiptar, pas bankës turke Ziraat, që e mori këtë fazë lejeje më herët.


Në përputhje me standarded JTI

Video

SHIKO KANALIN NE YOUTUBE
×