Kush është aktivistja Evanthi Pango, e cila ndodhet nën monitorim intensiv pasi u godit në kokë gjatë protestës

Evanthi Pango

Evanthi Pango, e njohur shkurtimisht si Eva, 34 vjeçe, është një nga emrat që është bërë simbol i protestave të ditëve të fundit në Tiranë, pasi mbeti e plagosur rëndë në kokë gjatë përplasjes mes protestuesve dhe forcave të policisë në zonën e “Rrugës së Elbasanit”.

Sipas raportimeve, Pango u godit në pjesën e ballit nga një bombol e përdorur për shpërndarjen e gazit lotsjellës. Ajo humbi gjak dhe u transportua me urgjencë drejt Spitalit të Traumës, ku vijon të mbahet nën monitorim intensiv nga mjekët.

Lajmi i mirë është se gjendja e saj paraqitet tashmë e qëndrueshme dhe jashtë rrezikut për jetën. Sipas të dhënave mjekësore të publikuara sot, goditja në kokë nuk ka shkaktuar dëmtime në tru dhe për momentin nuk është parë nevoja për ndërhyrje kirurgjikale.

Evanthi Pango është përshkruar në raportimet e këtyre ditëve si aktiviste dhe protestuese, ndërsa në disa media si studente. Ajo ka qenë aktive në protestë dhe ka publikuar pamje nga terreni vetëm pak përpara se të plagosej.

Pango ishte mes qindra të rinjve që kishin dalë në rrugë për të shprehur pakënaqësinë e tyre dhe për të kërkuar ndryshim. Plagosja e saj ka sjellë një tjetër dimension njerëzor të protestave, duke treguar edhe njëherë rrezikun që sjell përshkallëzimi i përplasjeve në rrugë.

Në pamjet e publikuara menjëherë pas incidentit, 34-vjeçarja shfaqej e gjakosur në fytyrë dhe në kokë, ndërsa qytetarë të tjerë e ndihmuan për ta transportuar drejt spitalit.

Sot, një ditë pas plagosjes, lajmet nga Spitali i Traumës janë inkurajuese, pasi Eva është e vetëdijshme, në parametra të qëndrueshëm dhe vazhdon të ndiqet nga ekipi mjekësor.

Pavarësisht bindjeve politike apo mënyrës se si secili e sheh protestën, rasti i saj duhet të shërbejë për një mesazh të thjeshtë, ku askush që del në rrugë për të shprehur një qëndrim nuk duhet të përfundojë në spital.

Në këto orë, mbi çdo debat politik, ajo që ka rëndësi është që Evanthi Pango të rikuperohet plotësisht dhe të kthehet pranë familjes dhe njerëzve të saj.

Në përputhje me standarded JTI

“Qytetarët të shprehin qëndrimin në mënyrë paqësore”, ambasada amerikane në Tiranë: Dhuna nuk është angazhim qytetar

Lexo

16 October, 22:38Aktualitet

Policia “dorëzon” bulevardin pas negociatave, protestuesit qëndrojnë para Kryeministrisë

Lexo

16 October, 22:32Aktualitet

“Populli po injorohet, janë plot me halle”/ Luiz Ejlli: Nëse merremi me semaforët dhe kazanët që digjen, i largohemi arsyes së protestës

Lexo

16 October, 22:12Aktualitet

Kritikoi dhunën në protestë, aktori Hervin Çuli: Vandalizuan derën e banesës sime, gjeta një “X” të madh. Shteti ka rënë, ka mbetur të marr armën

Lexo

16 October, 22:06Aktualitet

“Sulmi ndaj bizneseve krijon precedent të rrezikshëm si në ’97-ën. Disa po tërheqin mallin nga dyqanet”

Lexo

16 October, 21:54Aktualitet

PAMJE TË RRALLA: Mes përplasjeve dhe dhunës, momente paqeje mes protestuesve dhe policisë

Lexo

16 October, 21:30Aktualitet

Protestuesit godasin deputetin Klevis Balliu, ai hidhet në Lanë për t’iu shpëtuar (VIDEO)

Lexo

16 October, 21:00Aktualitet

Ruhet me dy policë, si me qenë kriminel i rrezikshëm - Klevi Metaj rrëfen me pranga nga shtrati i spitalit përballjen me 6 policët

Lexo

16 October, 20:46Aktualitet

Dy shtetas nga Kosova shoqërohen gjatë protestës në Tiranë: Jemi me Vetëvendosjen, duam të rrëzojmë Ramën sepse është kundër Kurtit  

Lexo

16 October, 20:38Aktualitet

"Protestuesit flenë në dysheme" - Avokat i Popullit raport për arrestimet: Kushtet në qeli janë të papranueshme

Lexo

16 October, 20:33Aktualitet