KRONIKË NË ASFALT/ Shkëlqimi dhe rënia e Bella B.

 Kliko këtu për të tjera
Voxpress:

Vrau kushëririn për ‘një arsye të fortë’, mbërrin në Gjykatën e Vlorës nën masa të rrepta sigurie Bertil Alliaj!

5 Nëntor 2025, 11:52Aktualitet SHKRUAR NGA REDAKSIA VOX
Bertil Alliaj

Nën masa të rrepta sigurie ka mbërritur në mesditë në Gjykatën e Shkallës së parë në Vlorë, Bertil Alliaj për t’u njohur me masën e sigurisë.

Ai akuzohet si vrasësi i djalit të xhaxhait të tij, shtetasit Dalan Alliaj.

Ngjarja ndodhi katër ditë më parë në fshatin Gjorm të Vlorës, ndërsa autori tha se krimin e kishte kryer për një arsye të fortë, por pa specifikuar realisht shkakun e konfliktit mes tyre. 

‘E vrava për një arsye të fortë që s’mund ta them, pasi i kisha thënë disa herë që duhet të reagonte. Ndoshta në një moment tjetër do të flas për arsyen, por ende nuk jam gati’, u shpreh 32-vjeçari. 

32-vjeçari u arrestua në malet e fshatit Gjorm pas disa orësh kërkime nga policia pas ngjarjes së rëndë. Përmes një njoftimi, Policia sqaroi se ishte sekuestruar edhe arma e zjarrit pistoletë, e dyshuar si e përdorur në këtë ngjarje, së bashku me 10 fishekë.

32-vjeçari është një person me rrezikshmëri të lartë shoqërore, i dënuar në mungesë me 35 vite burg për vrasje dhe rezultonte i shpallur në kërkim si autor i masakrës së Çoles ku mbetën të vrarë tre të rinj.

Një konflikt për motive banale degjeneroi në përdorimin e armëve të zjarrit nga dy grupe me tre djem të moshave 18-21 vjeç secili dhe la pas tre viktima.

Të dënuar më parë për masakrën e Çoles janë edhe Aleksander Llanaj si dhe Ani Begaj i kapur dy vite më parë pas disa viteve në arrati, ndërsa Bertil Alliaj kishte qenë në arrati prej vitit 2015. 


Në përputhje me standarded JTI

Video

SHIKO KANALIN NE YOUTUBE
×