VIDEO: Ky është momenti kur shoferi i dehur përplas efektivin e policisë te vijat e bardha

Ky është momenti kur efektivi i policisë së Durrësit Mariglen Allka është përplasur nga një makinë kur po kalonte tek vijat e bardha para godinës së Drejtorisë së Policisë së Durrësit mbrëmjen e djeshme.

Në pamje shihet efektivi që kalon me kujdes vijat e bardha dhe në mes të tyre i vjen makina me shpejtësi të lartë e cila e përplas dhe e hedh në ajër.

Shoferi i makinës, Antonio Frroku, 30 vjeç, është shprehur se arsyeja e drejtimit të automjetit mbi shpejtësinë e lejuar, ka qenë se po transportonte me urgjencë në spital një të afërmin e tij.

“Po i jepja makinës me shpejtësi për shkak se po çoja një njeriun tim n spital për ndihmë mjekësore”, është shprehur Frroku.

Po ashtu, duhet theksuar fakti që gjatë arrestimit shoferi 30-vjeçar rezultoi të ishte i dehur në masën 40%, shkruan Report Tv.

Polici 20-vjeçar prej mbrëmjes së djeshme ka qenë i shtruar në spital nën kujdesin e mjekëve, dhe fatmirësisht ndodhet jashtë rrezikut për jetën.