MANUAL/ Si të shpalosni erudicionin pa thënë asgjë tuajën, kur komentoni për çështje madhore!

 Kliko këtu për të tjera
Voxpress:

Hetuesi i OLAF-it vjen në Korçë dhe merr dosjen penale të ‘Frontex’!

9 Shkurt 2026, 14:23Aktualitet SHKRUAR NGA REDAKSIA VOX
‘Frontex’

Një prokuror i Zyrës Kundër Mashtrimit Ekonomik (OLAF-it) me qendër në Varshavë të Polonisë, mësohet të ketë mëritur në Shqipëri, duke marrë kontakt me zyrtarë të prokurorisë së Korçës.

Qëllimi i vizitës, së Prokurorit të Bashkimit Evropian, ka qënë lidhur me një dosje penale që bën fjalë për mashtrimin ekonomik të Punonjësve të Policisë së Shtetit, që kanë kryer shërbim policor pranë misionit “Frontex”.

Ky është rasti i dytë që prokurorë të OLAF-it mbërrijnë në Shqipëri për të hetuar abuzimet me fondet e Bashkimit Europian në Shqipëri.

Rasti i parë është precedenti i abuzimit me fondet e BE-së për Agjencinë e Zhvillimit Bujqësor Rural (AZHBR).

Ndërsa rasti i dytë për abuzim financiar lidhet me Policinë e Shtetit tek misioni “Frontex”.

Ky mision ndodhet në Shqipëri për monitorimin klandestinëve nga lindja e mesme, të cilët hyjnë në territorin Shqiptar përmes vijës kufitare të gjelbër Greqi-Shqipëri.

Së bashku me policët e huaj të këtij misioni shërbejnë dhe efektivë të Policisë së Shtetit, të cilët sipas hetimit përzgjidheshin nga ish-drejtori i Kufirit në Policinë e Shtetit, Eduard Merkaj dhe më pas viheshin për një periudhë kohe në shërbim të përbashkët me “Frontex”.

Për orët e shërbimit dhe dietat ushqimore dhe fjetjen e Punonjësve të Policisë së Shtetit në zonat kufitare, paguante “Frontex” përmes shumave financiare që akordoheshin nga Bashkimi Evropian.

Por siç mëson gazetari Elton Qyno, tashmë çështja e pagesave të policëve shqiptarë, ka qenë një mashtrim financiar, ndaj veç prokurorisë së Korçës, një hetim penal ka nisur dhe Zyra Kundër Mashtrimit Ekonomik (OLAF) me qendër në Varshavë të Polonisë.

Një prokuror i kësaj zyre në muajin Nëntor 2025, ka mbërritur në prokurorinë e Korçës dhe ka kërkuar informacion lidhur me ecurinë e hetimeve.

Njëherësh prokurori, ka kërkuar të njihet dhe me aktet hetimore dhe formën e mashtrimit që prokuroria e Korçës ka mundur ta provojë ndaj 20 punonjësve të Policisë së Shtetit.

Në kuadër të hetimeve të përbashkëta që po kryhen lidhur me këtë çështje, në Korçë dhe Varshavë, tashmë OLAF-i përmes një letërporosie ka tërhequr dosjen shqiptare, me qëllim studimin e saj në Poloni.

Rasti në fjalë tregoi zbulimin e një prej skemave mjaft të sofistikuar të vjedhjes së fondeve të Bashkimit Evropian nga ana e zyrtarëve të Policisë së Shtetit.

Skema shtrihej nga zyrtarët e Departamentit të Kufirit dhe Migracionit në Policinë e Shtetit dhe më pas zbatohej në sektorin e shërbimit të efektivave të policisë pranë zonave kufitare.

Qindra e qindra mandate pagesash të falsifikuara nga punonjës policie, kanë çuar në një dëm ekonomik prek gati 2 milion e 700 mijë euro.

Sipas dosjes hetimore, punonjës policie janë angazhuar me “Frontex”, të cilët pasi janë akomoduar në hotele janë pajisur edhe me faturat tatimore përkatëse sipas netëve që kanë fjetur.

Njëri nga pronarët e hoteleve,i cili është vënë nën hetim për rastin në fjalë, ka treguar në prokurori se: “…të përhershëm, ka në hotel grupin e antikontrabandës të cilët kryejnë shërbim në PKK Kapshticë, kurse pjesa e punonjësve të policisë që janë të angazhuar me “Frontex” vijnë rrallë…”.

Ai ka deklaruar se nuk e mban mend numrin e saktë të punonjësve të policisë që kanë fjetur në Hotel, por thekson që janë shumë pak.

“…pasi flinin në hotel këta punonjës policie i paraqisnin një fletë e cila quhet “INVOCE” të cilët e merrnin tek “Forntex” dhe ai ja vuloste me vulën e firmës që drejton, kurse nga korriku 2021 e në vazhdim unë po procedoj me programin e fiskalizimit…”, ka treguar pronari i hotelit që tashmë është vënë nën hetim.

Ndërkohë i pyetur nga ana grupit të hetimit, nëse ka patur raste që në këtë hotel të kenë fjetur edhe punonjës të PKK Kapshticë si psh: inspektor Edi Spaho, inspektor Adi Bregu, inspektor Markeljan Murati, Inspektor Gerti Haxhia, Inspektor Endri Duro, Inspektor Mentor Bushi etj, ai shpjegon se: "…nga emrat që më thoni unë nuk mbaj mend asnjë nga emrat që përmenden më sipër nëse kanë fjetur apo jo në hotelin tim. Në lidhje me këtë më duhet të shikoj praktikat pranë hotelit, por me siguri të plotë them që Edi Spaho, nuk ka fjetur në hotelin tim…“.

Po ashtu i pyetur si person nën hetim pronari i hotelit, ka deklaruar se punonjësit e PKK Kapshticë, Inspektor Edi Spaho, Inspektor Adi Bregu, Inspektor Markeljan Murati, Inspektor Gerti Haxhia, Inspektor Endri Duro, Inspektor Mentor Bushi, Denjon Myteberi etj nuk kanë fjetur në hotelin e tij.

Ndër të tjera hetimi i kësaj dosje, ka zbuluar se punonjës policie në Gjirokastër, kanë arritur të marrin fatura në subjekte ndërtimi, duke i servirur ato si fatura shpenzimi në hoteleri dhe restorante ushqimi.

Pas mbledhjes së faturave me çmime shërbimi mjaft të kripura ato dorëzoheshin në Zyrën e Financave, ku më pas bëhej pagesa.

Rasti në fjalë vijon të jetë ende hetim, por pritet që në ditët në vijim prokuroria e Korçës të mbyllë hetimet, duke dërguar në gjykatë mbi 20 punonjës policie që kanë abuzuar me detyrën e tyre duke sjellë një dëm prej gati 3 milion euro.

Gjithashtu nga hetimet ka rezultuar e provuar se nga punonjësit e policisë në nivelin drejtues, në shpërdorim të detyrës, janë nxjerrë një numër i konsiderueshëm urdhëra transferimi fiktivë në Stacione të ndryshme të Policisë Kufitare, në juridiksionin e DVKM Korçë, me qëllim favorizimin e punonjësve të Policisë në përfitime të paligjshme.

Ndërsa nga Sektori i Financës në Departamentin e Kufirit dhe Migracionit, në tejkalim të kompetencave ligjore dhe në shpërdorim të detyrës, bazuar në dokumentacionet fiktive të paraqitura nga punonjësit e policisë, janë lëvruar shuma në euro, të cilat përfshinin shpenzime akomodimi, fjetje, apo dieta të ndryshme./EltonQyno


Në përputhje me standarded JTI

Video

SHIKO KANALIN NE YOUTUBE
×