Përplasen dy makina në Lushnje, ka të plagosur

Dy makina janë përfshirë në një aksident, pak çaste më parë në fshatin Dushk të Lushnjes.

Sipas informacioneve paraprake, një mjet tip "Audi" është përplasur me një "Benz", për pasojë ka mbetur e plagosur një 65-vjeçare e cila është dërguar në spital për mjekim.

"Rreth orës 14:00, në fshatin Dushk, automjeti tip "Audi" me drejtuese shtetasen A. H., është përplasur me automjetin tip "Benz" me drejtues shtetasin A. K. dhe me automjetin me drejtues shtetasin S. T.

Si pasojë e përplasjes është dëmtuar pasagjerja në automjetin tip "Audi", shtetasja Sh. S., 65 vjeçe, e cila ndodhet në spital, në kujdesin e mjekëve", bën me dije policia.

Grupi hetimor po punon për përcaktimin e shkaqeve të aksidentit.