KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Operacion në 6 shtete europiane me 17 të arrestuar, çmontohet grupi kriminal vlonjat që trafikonte sasi të mëdha kokaine

6 June 2024, 16:37Aktualitet SHKRUAR NGA REDAKSIA VOX
Operacion në 6 shtete europiane me 17 të arrestuar, çmontohet
Foto ilustruese

Detaje të reja mësohen në lidhje me një operacion ndërkombëtar të zhvilluar ditën e martë, i cili u shtri në disa shtete si Belgjikë, Francë, Holandë, Gjermani, Itali dhe Austri kundër një organizate kriminale shqiptare që çoi në arrestimin e 17 personave.

Siç raportojnë mediat italiane, referuar burimeve policore, një prej të arrestuarve i konsideruar trafikant i rrezikshëm, është kapur nga policia e Ravennës në Faenza.

Bëhet fjalë për një 42 vjecar shqiptar. Edhe dy persona të tjerë janë arritur të arrestohen në Toskanë. 11 prej të arrestuarve janë arrestuar në Belgjikë, 3 në Itali dhe 3 të tjerë në shtetet e tjera europiane ku u shtrinë kontrollet me qëllim ekstradimin në Belgjikë.

Sipas hetimeve, anëtarët e organizatës kanë lidhje familjare me njëri-tjetrin dhe të gjithë vijnë nga Vlora.

Bëhet fjalë për një lloj mafie shqiptare, siç thonë mediat italiane, që merret me gjithçka që lidhet me kokainën, nga importi tek prerja, tek riciklimi dhe më në fund tek trafiku i armëve.

Ndër veprimet që i atribuohen organizatës, ka edhe episode të dhunshme të lidhura me kriminelë të përshkruar nga prokurorët belgë si veçanërisht të rrezikshëm dhe të vendosur.

Emrat e të dyshuarve nuk janë aspak të panjohur organet ligjzbatuese. Në vitin 2014, krerët e bandës ishin dënuar tashmë me burgim nga 10 deri në 12 vjet, ndërsa të tjerët me role të vogla kishin marrë dënime nga 3 deri në 7 vjet. Por edhe kështu ata nuk u dekurajuan dhe përkundrazi vazhduan rrugën e tyre kriminale.

Kërkimet në kuadër të operacionit kanë çuar në kapjen e 100 kg drogë të llojit kokainë dhe amfetaminë, armë zjarri, kimikate, jelek antiplumb dhe 265,000 euro para cash.

Grupi i trafikantëve të hetuar nga Policia e Antwerp në Belgjikë ishin të specializuar në shpërndarjen e sasive të mëdha të drogës që më pas transportoheshin në vende të ndryshme me mjete të pajisura me hapësira të fshehta. Hetimi nga policia gjyqësore ka të bëjë me një organizatë që mësohet se ishte aktive në importin e kokainës nga Amerika e Jugut dhe pastrimin e parave nga trafiku i kokainës.

Në Belgjikë u bënë 12 kërkime në Antwerp, Schoten dhe Sint-Niklaas. Ato u kryen në bashkëpunim midis policisë gjyqësore federale dhe policisë lokale në Antëerp.


Në përputhje me standarded JTI

Video

SHIKO KANALIN NE YOUTUBE
×